Иоан 8:37 - Бур Юӧр 2019

³⁷ Ме тӧда: тійӧ Авраамлӧн увтыр. Но мӧдат тай Менӧ вийны, Менам кыввезӧ озӧ тӧрӧ сьӧлӧманыт да.

Иоан 8:37 Mawu Ofanana

1 Коринфын оліссезлӧ 2:14

Оз кӧ тӧд мортыс Енлісь Ловсӧ, сія оз вермы кывзыны и Ловсянь висьтасьӧмсӧ. Сылӧ сія лоӧ бӧбсорӧн баитӧм. Висьтасьӧмсӧ оз вермы вежӧртны сійӧн, мыля эта йылісь колӧ авйыны Лов отсӧтӧн.

Римын оліссезлӧ 9:7

Да и Авраамсянь чужӧммес абу быдӧнныс сылӧн челядь. Еныс тай Авраамыслӧ висьтавлӧм: «Тэнат увтырӧн пондасӧ шуны дзир Исак зоныт вужсянь чужӧммесӧ».

Иоан 7:1

Сыбӧрын Исусыс ветлӧтіс Галилея муӧт. Иудея муӧттяс эз ни ветлӧт, иудейес Сійӧ мӧдісӧ вийны да.

Иоан 8:59

Сэк нія босьтісӧ иззэз да мӧдісӧ Сійӧ шупкавны, но Исусыс сайӧвтчис да петіс Вежа Керкусис. Сія муніс иудейес коласӧт да иньдӧтчис одзлань.

Ап. керӧммез 13:26

Воннэзӧ, Авраам увтырись челядь да Енсис поліссез! Тіянлӧ ыстӧм эта мездан юӧрыс.

Иоан 8:43

Мыля одӧ вежӧртӧ Менчим баитӧмӧс? Одӧ вежӧртӧ сійӧн, мыля одӧ вермӧ кывзыны Менчим кыввезӧс.

Иоан 11:53

Сія лунӧ нія баитчисӧ Исуссӧ вийны.

Иоан 7:19

Эз разь сет тіянлӧ Моисейыс Туйдӧтсӧ? Но тіян коласісь некин оз ов Туйдӧтыс сьӧрті. Сэк мый понда нӧ Менӧ мӧдат вийны?»

Иоан 10:31

Сэк иудейес бӧра босьтісӧ иззэз, медбы нійӧн шупкавны Исуссӧ.

Иоан 8:6

Нія сідз баитісӧ Исуссӧ кутӧм могись, медбы сэсся вӧлі, мый висьтавны Сы вылӧ умӧльсӧ. Но Исусыс дзар эз кер ныланьӧ. Сія лажмыта мышкыртчӧмӧн гижис мыйкӧ му вылас чуньнас.

Иоан 7:25

Сэтӧн Ерусалимын оліссез коласісь мукӧдыс шуисӧ: «Абу разь эта сія Мортыс, Кӧдӧ кошшӧны вийны?

Иоан 5:44

Кыдз тійӧ вермат Меным веритны, тійӧ эд ӧтамӧднытсянь видзчисят ошкӧмсӧ, а ӧтка Еныслісь ошкӧмсӧ одӧ кошшӧ?

Матвей 13:15

Эта йӧзлӧн сьӧлӧмныс чорзьӧм. Пеллезнаныс нія умӧля кылӧны. Нія синнэзнысӧ куньӧмась, озӧ адззӧ. Сьӧлӧмнаныс озӧ вежӧртӧ, Меланьӧ озӧ бергӧтчӧ, медбы Ме нійӧ веськӧті.

Иоан 8:33

Нія висьталісӧ: «Мийӧ Авраамлӧн увтыр и некӧр эгӧ вӧлӧ раббезӧн. Мыля нӧ Тэ баитан: "Тійӧ мездӧтчат"?»

Матвей 3:9

Эд баитӧ аслыныт, миян айным пӧ Авраам. Тіянлӧ висьтала: эна иззэзісь Еныс вермас Авраамыслӧ сувтӧтны челядьсӧ.

Иоан 8:56

Тіян Авраам айныт гажӧн мӧдіс пантавны Менчим локтан лунӧс. Сія адззыліс сійӧ лунсӧ да гажмис».

1 Иоан 2:14

Ме гижи тіянлӧ, айез. Тійӧ эд пондіт тӧдны Сійӧ, Кӧда пыр вӧлі. Ме гижи тіянлӧ, зонкаэз. Тійӧ эд вынаӧсь. Еныслӧн кылыс олӧ тіян пытшкын. Тійӧ вермит ылӧтлісьсӧ.