Иоан 8:34 - Бур Юӧр 2019

³⁴ Исусыс шуис: «Тіянлӧ быльсӧ веськыта висьтала: умӧльсӧ керисьыс раб умӧль керӧмыслӧн.

Иоан 8:34 Mawu Ofanana

Матвей 5:18

Ме тіянлӧ быльсӧ висьтала: енӧжыс да муыс ӧштӧдз Туйдӧтсис нельки ӧтік учӧт шыпас, ӧтік кырӧлок оз ӧш. Гижӧмыс быдӧс аркмас.

Иоан 3:3

Исусыс сэтчӧ сылӧ висьталіс: «Тэныт быльсӧ веськыта висьтала: мортыс оз вермы адззывны Енлісь Юраланінсӧ, оз кӧ вились шогмы вылісянь».

Ап. керӧммез 8:23

Ме эд адзза: курыт сӧпӧн тэ тырӧмыт, умӧльыс тэнӧ видзӧ аслас кӧртӧттэзын».

Римын оліссезлӧ 6:12

Умӧльсӧ керны лэдзчисьӧмыс ась оз веськӧтлы тіян кулан вывтырӧн, медбы ӧзйӧтчӧмӧн керны сы сьӧрті.

Римын оліссезлӧ 6:16

Одӧ я тӧдӧ: кинлӧ асьнытӧ сетіт, тійӧ нылӧн раббез, нійӧ и кывзісят. Умӧль керӧмыс видзӧ кӧ тіянӧс аслас кӧртӧттэзын, то мунат кувны. Енсӧ кӧ кывзісят, лоат Сы сьӧрті веськыта оліссезӧн.

Римын оліссезлӧ 6:6

Тӧдамӧ: мийӧ одззаэс дорӧмӧсь Сыкӧт, медбы миян вывтырным ӧштіс вынсӧ керны умӧльсӧ. Умӧль керӧмыс ась оз ни видз сэсся миянӧс аслас домӧттэзын.

Римын оліссезлӧ 7:14

Мийӧ тӧдам, Туйдӧтыс сетӧм Ен Ловсянь. Ме тай дзир вывтыра морт, умӧль керӧмыс видзӧ менӧ аслас кӧртӧттэзын.

Римын оліссезлӧ 7:25

Ошка ассим Енӧс миян Дӧсвидзись Кристос Исус понда, Сія эд этӧ керӧ! Сідзкӧ, ме сэтшӧм морт: Менам сьӧлӧмӧ кывзісьӧ Енлісь Туйдӧтсӧ, а вывтырӧ ─ умӧль керӧмлісь туйдӧтсӧ.

Римын оліссезлӧ 8:21

Локтас кад, кӧр аркмӧтӧмыс мездӧтчас разьсьӧм-сісьмӧмсис да пырас югьялӧмас. Сійӧ югьялӧмсӧ Еныс козьналас Аслас челядьлӧ.

Ефесын оліссезлӧ 2:2

Тійӧ оліт эта му вылын керсьӧм сьӧрті: енӧж увтас ыждалісь кульыс сьӧрті керит, сійӧ кывзісит. Сія сэрпӧсь лолыс ӧні керӧ ассис уджсӧ ны пыр, кӧдна озӧ кывзісьӧ Енсӧ.

Титлӧ 3:3

Мийӧ и асьным эд одзжык вӧлімӧ вежӧртӧмӧсь, ӧшӧмӧсь, эгӧ кывзісьӧ. Ӧзйӧтчӧммес да быд моз гажӧтчӧммес миянӧс раббезӧс моз видзисӧ. Вӧлім умӧль мывкыдаӧсь, лӧгалім да завидуйтім. Миянлӧ некин син вылӧ эз ков.

2 Петра 2:19

Бӧбӧтӧмӧн велӧтіссес отирлӧ кӧсйӧны мездӧтчӧм, но нія асьныс раббез лэдзчисьӧм-кыскасьӧмыслӧн. Мортсӧ эд кин вермӧ, сылӧн сія и раб.