Иоан 8:11 - Бур Юӧр 2019

¹¹ Инькаыс горӧтчис: «Эзӧ, Дӧсвидзись». Исусыс шуис сылӧ: «И Ме тэнӧ ог судит. Мун да сэсся эн ни кер умӧльсӧ».

Иоан 8:11 Mawu Ofanana

Иоан 3:17

Еныс эд Ассис Зонсӧ эз ысты му вылас отирсӧ судитны, а ыстіс мездыны.

Иоан 5:14

Сыбӧрын Исусыс панталіс сійӧ мортсӧ Вежа Керкуын да висьталіс: «Тэ веськалін. Эн кер сэсся умӧльсӧ, медбы тэныт мый умӧльжыкыс эз ло».

Иоан 8:15

Тійӧ судитат отир моз. Ме некинӧс ог судит.

Лука 15:7

Висьтала тіянлӧ: енӧжас ӧддьӧн ыджыт гаж овлӧ, бергӧтчас кӧ Енлань ӧтік умӧльсӧ керись морт. Сэтшӧм гажыс оз овлы ӧкмысдас ӧкмыс Ен сьӧрті веськыта олісь понда. Нылӧ эд оз ков бергӧтчыны умӧль керӧммезныс дынісь».

Лука 5:32

Ме эг лок корны Ен сьӧрті веськыта оліссесӧ, локті корны Еныс дынӧ умӧльсӧ кериссесӧ».

Римын оліссезлӧ 2:4

Поди, тэ абутӧм туйӧ пуктан Еныслісь небыт сьӧлӧмсянь бур керӧмсӧ да мылаыс быртӧг дыр видзчисьӧмсӧ, а ачыт тай он вежӧрт керсьӧмсӧ. Еныслӧн небыт сьӧлӧмсянь керӧмыс эд вайӧтӧ тэнӧ умӧль керӧммет дынісь Енлань бергӧтчӧмӧдз.

Лука 13:3

Абу сідз. Висьтала тіянлӧ: умӧль керӧммезныт дынісь одӧ кӧ бергӧтчӧ Енлань, быдӧнныт сідз кулат.

Лука 15:10

Тіянлӧ висьтала: ӧтік морт понда овлӧ сэтшӧм жӧ гажыс Енлӧн ангеллэзлӧн, бергӧтчас кӧ мортыс умӧль керӧммес дынісь Енлань».

Иоан 18:36

Исусыс висьталіс: «Менам юралӧмӧ абу эта му вылісь. Вӧлі бы Менам юралӧмӧ эта му вылісь, сэк Менам отирӧ пессисӧ бы Ме понда и Ме эг бы сюр иудейес киӧ. Но Менам юралӧмӧ абу эта му вылісь».

Лука 15:32

Воныт понда эд колӧ гажмыны да гажӧтчыны. Сія вӧлі кулӧм да ловзис, ӧшліс да адззисис"».

Лука 13:5

Абу сідз. Шуа тіянлӧ: умӧль керӧммезныт дынісь одӧ кӧ бергӧтчӧ Енлань, быдӧнныт сідз кулат».

2 Петра 3:15

Миян Дӧсвидзисьлісь ыджыт мылаӧн видзчисьӧмсӧ лыддьӧ аслыныт мезман кадӧн. Дона Павел вонным Енсянь сетӧм мывкыдӧн эта йылісь тіянлӧ гижліс ни.

1 Коринфын оліссезлӧ 5:12

Мый меным бӧрйисьны отиркӧт, кӧдна абу вичкуын? Одӧ я тійӧ бӧрйисьӧ дзир вичкуиссескӧт?

Лука 9:56

Морт Зон эз лок мортлісь олансӧ босьтны, локтіс мездыны». Сэк нія мунісӧ мӧдік посадӧ.