Иоан 7:35 - Бур Юӧр 2019

³⁵ Сы коста иудейес баитісӧ ӧтамӧдныслӧ: «Кытчӧ Сія мӧдӧ мунны? Мийӧ пӧ Сійӧ нельки огӧ адззӧ? Оз я Сія мӧд мунны миян отир дынӧ, кӧдна олӧны греккез коласын, да велӧтны греккесӧ?

Иоан 7:35 Mawu Ofanana

Яков 1:1

Гижӧ Яков, Енлӧн да Дӧсвидзись Кристос Исуслӧн раб. Гижӧтӧс ыста му пасьта отир коласӧ янсалӧм даскык иудей увтырлӧ. Лӧнь олан тіянлӧ!

1 Петра 1:1

Гижӧ Петра, Кристос Исуслӧн апостол. Гижа Енлӧн бӧрйӧммезлӧ, му пасьта паськалӧм Кристос отирлӧ: Понтӧ, Галатияӧ, Каппадокияӧ, Асияӧ да Вифинияӧ локтӧммезлӧ.

Иоан 12:20

Ыджыт лун коста Енлӧ копыртчыны локтіссез коласын вӧлісӧ и кынымкӧ грек.

2 Тимофейлӧ 1:11

Ме вӧлі сувтӧтӧм апостолӧн, медбы висьтасьны сійӧ Бур Юӧрсӧ да велӧтны ентӧдтӧммесӧ.

1 Тимофейлӧ 2:7

Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

Колосын оліссезлӧ 1:27

Ачыс Еныс нылӧ сетіс тӧдны, мымда бурыс да югьялӧмыс эта тӧдлытӧмын быд отирлӧ. Тӧдлытӧмыс то мый: Кристосыс олӧ тіян пытшкын. Сэтӧн и надеяныт локтан югьялӧм вылӧ.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Ап. керӧммез 22:21

Сія меным висьталіс: "Мун, Ме тэнӧ ыста ылӧ, мӧдік отир дынӧ"».

Ап. керӧммез 21:21

Тэ йылісь нылӧ кывсьӧм: мӧдік йӧз коласын олісь иудейесӧ тэ пӧ велӧтан кежны Моисейлӧн Туйдӧт дынісь, он пӧ лэдз зоннэзнысӧ вундыштыштны да овны айезныс моз.

Ап. керӧммез 11:18

Петрасӧ кывзӧм бӧрын нія лӧньсисӧ да ошкисӧ Енсӧ. Нія баитісӧ: «Тыдалӧ, и мӧдік отирлӧ Еныс сетіс бергӧтчыны умӧль керӧмныс дынісь Сыланьӧ, медбы и нылӧн вӧлі оланыс».

Иоан 8:22

Сэтчӧ иудейес горӧтчисӧ: «Оз я Сія мӧд Асьсӧ вийны, сідз кӧ баитӧ: "Кытчӧ Ме муна, сэтчин тійӧ одӧ вермӧ локны"».

Лука 2:32

Сія ─ Югытыс, Кӧда югдӧтас ентӧдтӧммесӧ, ваяс югьялӧмсӧ Тэнат Израиль отирлӧ.

Матвей 12:21

Отирпӧлӧсыс пондасӧ надейтчыны Сы вылӧ.

Иоан 7:1

Сыбӧрын Исусыс ветлӧтіс Галилея муӧт. Иудея муӧттяс эз ни ветлӧт, иудейес Сійӧ мӧдісӧ вийны да.

Ап. керӧммез 11:20

Но ны коласісь мукӧдыс вӧлісӧ Кипрись да Киринеяись. Нія Антиокия карӧ локтӧм бӧрын Дӧсвидзись Исус йылісь Бур Юӧрсӧ висьтасьӧмась и грек отирлӧ.

Ап. керӧммез 14:1

Иконияын Павел Варнавакӧт пырисӧ синагогаӧ да висьтасисӧ Бур Юӧрсӧ. Висьтасьӧмныссянь иудейез да мӧдік отир ӧддьӧн унаӧн пондісӧ веритны.

Ап. керӧммез 17:4

Отирыс коласісь мукӧдыс пондісӧ веритны да ӧтлаасисӧ Павелкӧт да Силакӧт. Ны коласын унаӧн вӧлісӧ грек кыв вылын баитіссез. Унакодь вӧлісӧ и вылына пуктӧм инькаэз.

Ап. керӧммез 18:4

Быд шоччисян лунӧ сія баитіс синагогаын, вынсьӧтчис вежӧртӧтны иудейесӧ да греккесӧ.

Римын оліссезлӧ 1:16

Меным абу рожа кулян висьтасьны Кристосыс йылісь Бур Юӧрсӧ. Бур Юӧрыс эд Енлӧн вын, мездӧ быд веритісь мортсӧ: медодз иудейесӧ, сэсся ─ быд кыв вылын баитісь отирсӧ.