Иоан 7:31 - Бур Юӧр 2019

³¹ Уна отир пондісӧ веритны Исусыслӧ. Нія баитісӧ: «Кристос-Мездӧтісьыс локтас да унажык я керас адззывлытӧммесӧ эта Мортся?»

Иоан 7:31 Mawu Ofanana

Иоан 12:42

Нельки веськӧтліссез коласісь унаӧн пондісӧ веритны Исусыслӧ. Фарисейес кузя нія эзӧ лысьтӧ висьтасьны веритӧмныс йылісь, медбы нійӧ эзӧ вашӧтӧ синагогасис.

Матвей 12:23

Быдӧс отирсӧ диво кутіс. Нія ӧтамӧдныслӧ пондісӧ баитны: «Поди, Сія и эм Давид Зоныс».

Ап. керӧммез 8:13

Нельки ачыс Симоныс пондіс веритны да пыртчис. Филипыс дынісь сія кальк эз керлы. Симоныс син одзын ыджыт вынӧн керсьывлісӧ адззывлытӧммез да пассэз. Симонсӧ сысянь диво кутліс.

Иоан 11:45

Иудейес, кӧдна локтӧмась вӧлі Марияыс дынӧ, адззылісӧ Исуслісь керӧмсӧ. Ны коласісь унаӧн пондісӧ Сылӧ веритны.

Иоан 9:16

Сэк мукӧд фарисейес шуисӧ: «Абу Сія Мортыс Енсянь, Сія эд шоччисян лунӧ керӧ сійӧ, мый сэк оз туй керны». Мӧдіккес баитісӧ: «Вермас разь керны сэтшӧм адззывлытӧммесӧ умӧльсӧ керись морт?» Нія ӧтамӧдныскӧт пондісӧ етшасьны.

Яков 2:26

Мортыс оз кӧ лолав, сія кулӧм. Сідз и мортлӧн веритӧмыс: бурсӧ нем оз кӧ кер, сія кулӧм.

Иоан 12:11

мыля сы кузя иудейес унаӧн вовлывлісӧ Исусыс дынӧ да пондісӧ веритны Сылӧ.

Иоан 6:2

Сы бӧрсянь мунісӧ уна отир. Ны син одзын эд шогалісь отирсӧ веськӧтӧм коста Сія керис уна адззывлытӧмсӧ.

Иоан 4:39

Инькаыс висьталӧм карас оліссезлӧ, Сія пӧ быдӧс висьталіс, мый ме керлі. Сы висьталӧмсянь Самарияись уна отир пондісӧ веритны Исусыслӧ.

Иоан 3:2

Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен».

Иоан 2:11

Сідз Галилея муись Кана карын Исусыс медодззаись керис адззывлытӧмсӧ. Сэтшӧма Сія мыччаліс Ассис югьялан вынсӧ, и велӧтчиссес пондісӧ Сылӧ веритны.

Лука 8:13

Изъяинӧ усьӧм кӧдзыс туссес ─ Кывсӧ кылікӧ сійӧ гажӧн босьтіссез. Вуджыс жӧ нылӧн абу. Кытшӧмкӧ кадӧдз веритӧны, сьӧкыт кадӧ бӧр керсьӧны.

Иоан 4:29

«Мунӧ, видзӧтӧ Мортсӧ. Сія быдӧс висьталіс, мый ме керлі. Абу я Сія Кристос-Мездӧтісьыс?»

Иоан 7:26

Сія эд быдӧнныс дырни баитӧ, а Сылӧ нем озӧ шуӧ. Натьтӧ, веськӧтліссес вежӧртісӧ: Сія былись Кристос-Мездӧтісьыс.