Иоан 6:9 - Бур Юӧр 2019

⁹ «Татӧн ӧтік зоночкалӧн эмӧсь вит ид нянь да кык чери, но тырмас разь сія сымда отирлӧ?»

Иоан 6:9 Mawu Ofanana

Матвей 14:17

Велӧтчиссес шуисӧ: «Миян сьӧраным вит нянься да кык черися нем абу».

Матвей 16:9

Тійӧ ӧнӧдз одӧ вежӧртӧ? Абу разь тіян тӧдвыланыт, кыдз вит няньыс тырмис вит сюрс мортлӧ? Кыным куд ӧктіт кольччӧм няньсӧ?

Марк 6:38

Исусыс нылісь юаліс: «Мымда тіян няньныт? Мунӧ видзӧтӧ». Нія видзӧтісӧ да висьталісӧ: «Вит нянь да кык чери».

Марк 8:19

Кӧр ме вит няньсӧ чеги вит сюрс мортлӧ, кыным куд тійӧ тыртіт кольччӧм нянь торрезнас?» Велӧтчиссес шуисӧ: «Даскыкӧ».

Лука 9:13

А Сія висьталіс нылӧ: «Тійӧ сетӧ нылӧ сёйны». Мӧддэс висьталісӧ: «Миян вит нянься да кык черися нем абу. Вермам разь мийӧ сымда отирлӧ небны сёянсӧ?»

Иоан 11:21

Сэк Марфаыс шуис Исусыслӧ: «Дӧсвидзись! Вӧлін бы Тэ татӧн, сэк эз бы кув менам вонӧ.

Иоан 11:32

Марияыс сибӧтчис Исусыс дынӧ, усис Сылӧ коккезас да шуис: «Дӧсвидзисьӧ! Вӧлін бы Тэ татӧн, сэк эз бы кув вонӧ».

Иоан 21:10

Исусыс шуис велӧтчиссеслӧ: «Кыйӧмсиныт вайӧ кынымкӧ чериок».

Иоан 21:13

Исусыс сибӧтчис, босьтіс няньсӧ, черисӧ да сетіс велӧтчиссеслӧ.

Иоан 21:9

Нія петісӧ васис, казялісӧ керӧм бисӧ. Ӧгыррес вылын вӧлі чери, ордчӧн куйліс нянь.

Иоан 6:11

Исусыс босьтіс няннесӧ, буркывтіс Енсӧ да сетіс велӧтчиссеслӧ. Мӧддэс сеталісӧ няньсӧ отирыслӧ. Сідз сеталісӧ и черисӧ, кинлӧ мымда коліс.

Иоан 6:7

Филипыс Сылӧ шуис: «Кыксё динарий вылӧ босьтӧм няньыс быдыслӧ оз тырмы нельки кынымиськӧ курччӧвтыштны».

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Осьтӧм 6:6

Нёль енӧжись оліссез шӧрись ме кылі висьталӧм: «Ӧтік хиникс шогдіыс сулалӧ динарий. Куим хиникс идыс ─ динарий. Висӧ да винасӧ эн тшыкӧт!»