Иоан 6:68 - Бур Юӧр 2019

⁶⁸ Симон-Петра шуис Сылӧ: «Дӧсвидзисьӧ! Кин дынӧ миянлӧ мунны? Тэнат кыввет сетӧны пырся олан.

Иоан 6:68 Mawu Ofanana

Матвей 16:16

Симон-Петра висьталіс: «Тэ Кристос-Мездӧтісь, ловья Енлӧн Зон».

Марк 8:29

Сія юаліс нылісь: «А тійӧ кин туйӧ Менӧ пуктат?» Петра Сылӧ висьталіс: «Тэ ─ Кристос-Мездӧтісь».

Лука 9:20

Исусыс нылісь юаліс: «А тійӧ мый шуат, кин Ме?» Петраыс горӧтчис: «Тэ ─ Енлӧн Кристос-Мездӧтісь».

Иоан 12:49

Ме эг баит Ассяням. Менӧ ыстісь Айӧ тшӧктіс, мый да кыдз висьтавны.

Иоан 12:50

Ме тӧда: Сылӧн тшӧктӧмыс сетӧ пырся олан. Сідзкӧ, Ме баита Айӧ висьталӧм сьӧрті».

Иоан 17:8

Тэнчит кывветӧ Ме нылӧ висьталі. Нія кывветӧ босьтісӧ да вежӧртісӧ: Ме былись локті Тэ дынісь. Нія пондісӧ веритны: Тэ Менӧ ыстін.

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Иоан 6:63

Лов сетӧ олан, а морт сійӧ керны оз вермы. Менам висьталӧм кыввезӧ сетӧны тіянлӧ лов да олан.

Ап. керӧммез 13:26

Воннэзӧ, Авраам увтырись челядь да Енсис поліссез! Тіянлӧ ыстӧм эта мездан юӧрыс.

Ап. керӧммез 4:12

Енӧж увтас отирыслӧ абу сетӧм мӧдік ним, кӧда пыр миянлӧ позьӧ мезмыны».

Ап. керӧммез 5:20

«Мунӧ, сувтӧ Вежа Керкуас, эта виль олан йылісь быдӧс висьтасьӧ отирыслӧ».

Ап. керӧммез 7:38

Моисейыс миян айезкӧт вӧлӧм кушмуын. Синай керӧс вылын сія баитӧм ангелкӧт. Ангелыс пыр сія босьтӧм Енлісь ловья кыввез, медбы юӧртны миянлӧ.

Ап. керӧммез 8:37

Филипыс сылӧ висьталіс: «Быдсӧн сьӧлӧмнат веритан кӧ, позьӧ». Мӧдыс висьталіс: «Верита: Кристос Исусыс ─ Енлӧн Зон».