Иоан 6:66 - Бур Юӧр 2019

⁶⁶ Эта бӧрын Сылӧн велӧтчиссез коласісь унаӧн мунісӧ Сы дынісь. Нія эзӧ ни сэсся пондӧ ветлӧтны Сыкӧт.

Иоан 6:66 Mawu Ofanana

Лука 9:62

Исусыс висьталіс сылӧ: «Гӧр бердӧ кутчисьӧм бӧрын мышкас видзӧтлісьыс абу туяна морт, медбы пырны Енлӧн Юраланінӧ».

1 Иоан 2:19

Нія петісӧ миян дынісь, а миянкӧт ӧтдор нія эзӧ вӧлӧ. Вӧлісӧ бы нія мияніссезӧн, сэк кольччисӧ бы миянкӧт. Ны петӧм сьӧрті казялім: абу быдӧнныс миянкӧт ӧтвылісь.

Еврейезлӧ 10:38

Веськыта олісьыс веритӧмнас пондас овны. Кин Ме дынісь бергӧтчас, сія абу Меным сьӧлӧмви.

Иоан 6:60

Этӧ кывзӧм бӧрын велӧтчиссес унаӧн баитісӧ: «Кыввес нач вежӧрттӧмӧсь! Кин вермас Сійӧ кывзыны?»

2 Тимофейлӧ 4:10

Димас тай сьӧлӧмнас лякасис му вылас олӧм бердӧ. Сія менӧ колис, муніс Фессалоникаӧ. Крискент муніс Галатияӧ, Тит ─ Далматияӧ. Мекӧт дзир Лукаыс.

Иоан 8:31

Сэк Исусыс висьталіс Сылӧ веритісь иудейеслӧ: «Пондат кӧ овны Менам кыв сьӧрті, сэк тійӧ былись Менам велӧтчиссез.

2 Тимофейлӧ 1:15

Тэ тӧдан, Асиясис веритіссес быдӧнныс ме дынісь бергӧтчисӧ, нельки и Фигелл Ермогенкӧт.

Матвей 19:22

Нійӧ кыввесӧ кылӧм бӧрын мортыс ӧшӧтіс юрсӧ да сэтісь муніс. Сылӧн эд уна вӧлӧм пажытьыс.

Иоан 6:64

Тіян коласісь мукӧдыс озӧ веритӧ». Исусыс эд одззасянь ни тӧдіс, кин оз верит Сылӧ да кин Сійӧ вузалас.

Иоан 2:2

Гӧтрасьӧмсӧ порйӧтны корисӧ и Исуссӧ велӧтчиссескӧт.

Иоан 7:3

Сэк Исуслӧн воннэс шуисӧ Сылӧ: «Мун татісь Иудеяӧ, медбы и велӧтчиссет адззылісӧ Тэнчит керӧмметӧ.