Иоан 6:27 - Бур Юӧр 2019

²⁷ Эдӧ тӧждісьӧ тшыксян сёян понда, а тӧждісьӧ пырся олансӧ сетан сёян понда. Сійӧ сёянсӧ сетас тіянлӧ Морт Зон. Ен Айыс эд Сы вылӧ пуктіс Ассис пассӧ».

Иоан 6:27 Mawu Ofanana

Матвей 17:5

Петралӧн баитӧм коста нійӧ вевттис югыт кымӧр. Кымӧрсяняс кыліс баитан шы: «Сія Менам дона Зонӧ, сьӧлӧм гажӧ. Сійӧ кывзӧ!»

Матвей 25:46

Нія мунасӧ пырся сьӧкыта мучитчӧмӧ, а Ен сьӧрті веськыта оліссес ─ пырся оланӧ».

Матвей 3:17

Енӧжсянь кыліс баитан шы: «Сія менам дона Зонӧ, олан гажӧ».

Матвей 6:19

«Эдӧ ӧктӧ аслыныт пажытьсӧ му вылын! Кор да сім сійӧ сёйӧны. Гусясиссес пыравлӧны да быдӧс нуӧтӧны.

Матвей 8:20

Исусыс сылӧ висьталіс: «Руччезлӧн, кайезлӧн эмӧсь поззэз, а Морт Зонлӧ некытӧн и юрсӧ шоччӧтны».

Марк 1:11

Енӧжсянь кыліс шы: «Тэ Менам дона Зонӧ, олан гажӧ».

Марк 9:7

Сэтӧн мыччисис кымӧр да быдӧннысӧ вевттис, и сэтчинсянь кыліс баитан шы: «Сія Менам дона Зонӧ, Сійӧ кывзӧ!»

Лука 3:22

Вежа Лолыс лэдзчисис Сы вылӧ дуді кодь вывтырын. Енӧжсянь кыліс баитан шы: «Тэ Менам дона Зонӧ, олан гажӧ».

Лука 9:35

Кымӧрсис кыліс висьталӧм: «Сія Менам дона Зонӧ. Сійӧ кывзӧ!»

Иоан 10:28

Ме сета нылӧ пырся олан. Нія некӧр озӧ кулӧ. И Менам киись нійӧ некин оз гусяв.

Иоан 11:42

Ме тӧда: Тэ пыр кылан Менӧ. Сідз висьталі татӧн сулалісь отир понда, медбы нія пондісӧ веритны: Тэ ыстін Менӧ».

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 15:24

Ме ны син одзын кери сійӧ, мый некин одзжык эз керлы. Керӧммезӧс нія эзӧ бы адззылӧ, сэк нія эзӧ бы вӧлӧ умӧль кериссез. А нія адззылісӧ, но Ме и Менам Айӧ нылӧ син вылӧ огӧ колӧ.

Иоан 17:2

Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.

Иоан 3:15

медбы Сылӧ быд веритісь морт эз кув, а сылӧн вӧлі пырся олан.

Иоан 3:33

Сылісь висьталӧмсӧ кывзісьыс мыччалӧ: Еныс быльсӧ висьталӧ.

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Иоан 6:47

Тіянлӧ быльсӧ веськыта висьтала: Меным веритісь мортлӧн эм пырся олан.

Иоан 6:51

Ме ─ ловья нянь, лэдзчи енӧжись. Сійӧ няньсӧ сёйисьыс пондас овны пыр. Менам сетӧм няньӧ ─ Менам Вывтырӧ. Сійӧ Ме сета отир олан понда».

Иоан 6:53

Исус висьталіс нылӧ: «Тіянлӧ быльсӧ веськыта висьтала: Одӧ кӧ пондӧ сёйны Морт Зонлісь Вывтырсӧ, одӧ кӧ пондӧ юны Сылісь Вирсӧ, тіян оз ло оланыс.

Иоан 6:54

Менчим Вывтырӧс сёйисьлӧн, Менчим Вирӧс юисьлӧн эм пырся олан, и Ме ловзьӧта сійӧ медбӧрья лунас.

Иоан 6:58

Сія ─ енӧжись лэдзчисьӧм нянь. Сія няньыс абу айезнытлӧн кодь. Тіян айезныт сёйисӧ манна да кулісӧ, а этӧ няньсӧ сёйисьыс пондас овны пыр».

Иоан 6:62

Адззылат кӧ Морт Зонлісь лэбтісьӧмсӧ сэтчин, кытӧн Сія вӧлі одзжык, мый сэк шуат?

Иоан 6:68

Симон-Петра шуис Сылӧ: «Дӧсвидзисьӧ! Кин дынӧ миянлӧ мунны? Тэнат кыввет сетӧны пырся олан.

Иоан 8:18

Ме Ас йывсим Ачым висьтала, Ме йылісь висьталӧ и Менӧ ыстісь Айӧ».

Ап. керӧммез 10:38

Еныс Вежа Лолӧн да вынӧн мавтӧмӧн сувтӧтіс Назаретісь Исуссӧ. Ветлӧтікас Сія отирыслӧ керис уна бурсӧ: веськӧтліс да мездӧтліс кульыс кипод увтісь быдӧннысӧ, кӧдна сысянь пессисӧ-мырсисӧ. Сыкӧт эд вӧлі Еныс.

Ап. керӧммез 2:22

«Израиль отир! Кывзӧ этнӧ кыввесӧ! Назаретісь Исуссӧ Ачыс Еныс ыстӧм вӧлі тіянлӧ. Асьныт эд тӧдат: Аслас Ыстӧм йылісь тіянлӧ висьталӧм могись Еныс Сы пыр мыччавліс вына адззывлытӧм керӧммез да ыджыт пассэз.

Римын оліссезлӧ 4:11

Веськыта олісьӧн сія лоӧм вундыштыштӧм одзас веритӧмыс понда. А вундыштыштӧмыс вӧлі сетӧм тыдалан пасӧн бӧрынжык. Сэк сійӧ Еныс шуӧм ни вӧлі веськыта олісьнас. Сійӧн ӧні Авраамыс ай быдӧнныслӧн, кӧдна абу вундыштыштӧмӧсь да веритӧны Кристослӧ, медбы и нійӧ веритӧмныс понда Еныс шуис веськыта оліссезӧн.

Римын оліссезлӧ 6:23

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

1 Коринфын оліссезлӧ 6:13

Сёяныс кынӧм понда. Кынӧмыс лӧсьӧтӧм сёян понда. Ӧтсӧ и мӧдсӧ Еныс разяс. Вывтырным абу лӧсьӧтӧм кыскасьны. Сія ─ Дӧсвидзисьлӧ. Дӧсвидзисьыс ─ вывтырнымлӧ.

1 Коринфын оліссезлӧ 9:2

Мӧдіккезлӧ ме, натьтӧ, абу апостол, а тіянлӧ ме апостол. Тійӧ Кристосыскӧт ӧтлаасит ─ эта ни эд висьталӧ: ме апостол.

2 Коринфын оліссезлӧ 4:18

Мийӧ эд видзӧтам тыдавтӧмыс вылӧ. Огӧ видзӧтӧ тыдаланаыс вылӧ. Тыдаланаыс эд мыйкӧ дырна кежӧ, а тыдавтӧмыс ─ пыр кежӧ.

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

Филипын оліссезлӧ 2:13

Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Колосын оліссезлӧ 1:29

Ме эта понда и уджала, песся Сысянь сетӧм вынӧн, кӧда ме пытшкын ёна керӧ ассис уджсӧ.

Колосын оліссезлӧ 2:22

Отирыслӧн сэтшӧм тшӧктӧм-велӧтӧммес эд дзир сы йылісь, мый бырӧ.

Колосын оліссезлӧ 3:2

Енӧж вылісьсӧ юраныт видзӧ, эдӧ му вылісьсӧ.

1 Фессалоникаын оліссезлӧ 1:3

Ен Айным одзын мийӧ пыр касьтывлам тіянлісь веритӧмсянь керӧмнытӧ, радейтӧмсянь уджалӧмнытӧ да мыла быртӧг миян Дӧсвидзись Кристос Исус вылӧ надейтчӧмнытӧ.

2 Тимофейлӧ 2:19

Но Еныслӧн пуктӧм ён увтыс сулалӧ. Сы вылын сувтӧтӧм пас сэтшӧм кыввезӧн: «Еныс Ассис отирсӧ тӧдӧ» и «Дӧсвидзисьлісь нимсӧ быд висьтавлісьыс ась дугдӧ керны умӧльсӧ».

Еврейезлӧ 12:16

Ась некин тіян коласісь оз кыскась, оз бергӧтчы Еныс дынісь Исавыс моз. Сія тай ӧтік сёян вылӧ вежӧм быдӧс, мый сетӧны медодзза зонлӧ.

Еврейезлӧ 4:11

Вынсьӧтчам пырны Сы шоччисянінӧ. Кывзісьтӧм отир моз ась некин оз кольччы шоччисянінас пыртӧг.

Яков 1:11

Петӧ шонді, аслас пым югӧррезӧн турунсӧ косьтӧ. Дзоридзыс киссьӧ, абу ни басӧк. Сідз и бура олісь мортлӧн педзикас оланыс видзчисьтӧг орас.

1 Петра 1:24

Вежа Гижӧтыс эд висьталӧ: ─ Быд мортыс турун кодь, мортлӧн басӧкыс ─ турун вылын дзоридз. Туруныс косьмис, дзоридзыс киссис,

2 Петра 1:17

Ен Айыс вылына лэбтіс Зонсӧ да сетіс Сылӧ югьялан вын. Еныс Аслас югьяланінсянь юӧртіс сэтшӧм кыввезӧн: «Сія Менам дона Зонӧ, сьӧлӧм гажӧ».