Иоан 5:46 - Бур Юӧр 2019

⁴⁶ Тійӧ одӧ веритӧ Моисейыслӧ. Веритіт бы сылӧ, сэк веритіт бы и Меным. Сія эд гижис Ме йылісь.

Иоан 5:46 Mawu Ofanana

Иоан 1:45

Филипыс адззис Нафанаилӧс да висьталіс: «Мийӧ адззим Сійӧ, Кӧда йылісь гижӧмась Моисейыс Туйдӧтас да Енсянь юӧртіссес. Сія Назарет карись Исус, Ӧсиплӧн зон».

Лука 24:27

Сэк Исусыс Моисейлӧн да Енсянь юӧртіссезлӧн гижӧттэзсянь пондӧтчӧмӧн вежӧртӧтіс нійӧ, мый Сы йылісь гижӧм быдӧс Вежа Гижӧттэзын.

Ап. керӧммез 26:22

Но Еныс ыстіс отсӧтсӧ. Сійӧн ме ӧння лунӧдз сулала да висьтася вылына пукаліссезлӧ да умӧля оліссезлӧ. Ме висьтася дзир Енсянь юӧртіссезлісь да Моисейлісь одзланьсяыс йылісь висьталӧмнысӧ.

Галатияын оліссезлӧ 3:24

Сідзкӧ, Туйдӧтыс миянӧс видзис да быдтіс Кристослӧн локтӧмӧдз, медбы веритӧмнымсянь мийӧ лоим Ен сьӧрті веськыта оліссезӧн.

Галатияын оліссезлӧ 3:13

Туйдӧтлӧн ёрдӧмись Кристосыс миянӧс небис да мездіс. Миян туйӧ ёрдӧмсӧ Сія босьтіс Ас вылас. Вежа Гижӧтас тай висьталӧм: «Ёрдӧм быдыс, кӧда ӧшалӧ пу вылас».

Галатияын оліссезлӧ 3:10

Туйдӧт сьӧрті быд олісь морт вылын ӧшалӧ ёрдан кыв. Гижӧм тай сідз: «Ёрдӧм быдыс, кин оз ов быд тшӧктӧм сьӧрті, кӧда сетӧм Туйдӧтас».

Галатияын оліссезлӧ 2:19

Туйдӧтыс сьӧрті ме кулі, сійӧн Туйдӧтсис мезми, медбы овны Ен понда. Ӧтлаын Кристоскӧт ме вӧлі дорӧм.

Римын оліссезлӧ 10:4

Кытшӧм могӧн вӧлі сетӧм Туйдӧтыс, сійӧ быдӧс керис Кристосыс. Сідзкӧ, Сылӧ быд веритісь лоӧ Ен сьӧрті веськыта олісьӧн.

Иоан 5:47

Тійӧ одӧ кӧ веритӧ сы гижӧттэзын висьталӧмӧ, кыдз сэк пондат веритны Менам кыввезӧ?»