Иоан 5:28 - Бур Юӧр 2019

²⁸ Тіянӧс ась оз кут диво висьталӧмӧсянь: локтӧ кад, кӧр кулӧммес кыласӧ Ен Зонлісь шысӧ

Иоан 5:28 Mawu Ofanana

Иоан 3:7

Эн дивуйтчы эта висьталӧмӧсянь: тіянлӧ колӧ вились шогмыны вылісянь.

Иоан 4:21

Исусыс висьталіс: «Инька, верит Меным: сибалӧ кад, кӧр одӧ ни пондӧ копрасьны Айнымлӧ эта керӧсын да Ерусалимын.

Иоан 4:23

Локтас кад, кӧр былись копрасиссес пондасӧ кеймыны Айнымлӧ быль сьӧрті да Ловсянь. Сэтшӧм копрасиссезӧс Айным Аслыс кошшӧ. Сія кадыс и локтіс ни.

Иоан 5:20

Айыс Зонсӧ радейтӧ. Ассис быдӧс керӧмсӧ мыччалӧ Сылӧ. Сія мыччалас керӧммесӧ этнася ыджытжыккезӧ, кӧднасянь тіянӧс диво кутас.

Иоан 5:25

Тіянлӧ быльсӧ веськыта висьтала: локтӧ кад, да и локтіс ни, кӧр кулӧммес кыласӧ Ен Зонлісь шысӧ. Сійӧ кыліссес ловзясӧ.

Ап. керӧммез 24:15

Ме надейтча Еныс вылӧ да видзчися сійӧ кадсӧ, кӧр Сія ловзьӧтас быдӧс отирсӧ: веськыта оліссесӧ и Ентӧг оліссесӧ. Ме вылӧ умӧльсӧ висьтавліссес асьныс сійӧ кадсӧ видзчисьӧны.

Ап. керӧммез 3:12

Сэтшӧмсӧ адззикӧ Петраыс висьталіс отирыслӧ: «Израиль отир! Мыля тіянӧс диво кутӧ лоӧмыссянь? Мый видзӧтат миян вылӧ, жыв мийӧ асланым вынӧн веськӧтін сійӧ? Мийӧ Енлӧ юрбитіссез, поди, сійӧн сія сувтіс кок вылас?

1 Коринфын оліссезлӧ 15:22

Кыдз Адамлӧн керӧмсянь быдӧнныс кулӧны, сідз Кристослӧн керӧмсянь быдӧнныс ловзясӧ.

Филипын оліссезлӧ 3:21

Сылӧ сетӧм вын быдӧс босьтны Аслас киӧ. Сія жӧ вынӧн Кристосыс миянлісь кулана вывтыррезнымӧс мӧдкодьсьӧтас. Нія лоасӧ Сылӧн югьялан вывтыр кодьӧсь.

Осьтӧм 20:12

Ме адззылі кулӧммесӧ: ыджыттэс и учӧттэс сулалісӧ Ен одзын. Сэтӧн вӧлісӧ осьта небӧггез. Осьтісӧ эшӧ ӧтік небӧг. Сія вӧлі Олан небӧгыс. Кулӧммескӧт бӧрйисисӧ оліканыс керӧм сьӧрті, мый вӧлі гижӧм небӧггезас.