26 Айыс сетӧ олан. Сія и Зоныслӧ сетіс вын сетны олансӧ.
Сыын вӧлі олан. Сія оланыс вӧлі отирсӧ Югдӧтан.
Менчим оланӧс озӧ мырддьӧ, Ме сійӧ Ачым сета. Оланӧс Ме верма сетны и верма бӧр босьтны. Сідз тшӧктіс керны Айӧ».
Исусыс висьталіс: «Ме Ловзьӧтісь да олан Сетісь. Меным веритісьыс и кулас кӧ, пондас овны.
Быдыс, кин олікас веритӧ Меным, некӧр оз кув. Веритан я тэ Менам кыввезӧ?»
Етша ни кольччис. Отирыс сэсся озӧ ни Менӧ адззылӧ, а тійӧ Менӧ пондат адззыны. Ме ола, и тійӧ пондат овны.
Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.
Исусыс сылӧ висьталіс: «Тэ он тӧд Еныслісь козинсӧ. Тэ он тӧд, Кин тэныт висьталіс этнӧ кыввесӧ: "Юктав Менӧ ванат!" Кӧбы тӧдін, сэк ачыт бы корин Сылісь, и Сія сетіс бы тэныт ловья ва».
Менӧ ыстіс ловья Айӧ. Менам оланӧ ─ Айӧсянь. Сідз и Менӧ сёйисьлӧн оланыс ─ Месянь.
Тіянлӧ быльсӧ веськыта висьтала: Менам кыв сьӧрті олісьыс некӧр оз кув».
Сылӧ оз ков морт киэзӧн отсасьӧмыс, Сылӧн эд быдӧс эм. Сія Ачыс сетӧ быдӧнлӧ олан, лолалӧм да быдӧс коланасӧ.
Вежа Гижӧтас висьталӧм: «Медодзза мортыс ─ Адам, лоис ловья олісьӧн». А медбӧрья Адамыс ─ Ловзьӧтісь Лов.
Пыр олісь да юралісь Ӧксулӧ ─ ыджыт мывкыда тыдавтӧм ӧтка Енлӧ ─ вылына лэбтӧмыс да югьялӧмыс пырся-пыр! Аминь.
Сія эд ӧтнас Пырсяыс. Сылӧн югыт оланін дынӧ оз позь сибӧтчыны. Сійӧ отирыс коласісь некин эз адззыв, да и адззывны оз вермы. Сылӧ вылына лэбтӧмыс, Сылӧн юралӧмыс пырся-пыр. Аминь.
Эна медбӧрья луннэзӧ Еныс баитіс миянлӧ Зоныс пыр. Сы пыр Еныс аркмӧтіс и быдӧс енӧжисьсӧ да му вылісьсӧ, быдӧс сетіс Зоныс кипод увтӧ.
Сыбӧрын Сія висьталіс меным: «Быдӧс керсис! Ме ─ Альфа да Омега, Пондӧтісь да Пӧдналісь. Кинлӧн косьмӧ горшныс, Ме нылӧ козьнала васӧ ловья ва визывтанінсис.
Сэсся ангелыс меным мыччаліс олан сетан ю. Сія вӧлі крусталь кодь сӧстӧм. Юыс визывтіс Енлӧн да Дзельлӧн юралан пукӧссянь.
Лолыс да невестаыс шуӧны: «Лок!» Кылісьыс ась висьталӧ: «Лок!» Кинлӧн косьмӧ горшыс ─ ась локтӧ. Кинлӧ колӧ, ась вештісьтӧг босьтӧ олан васӧ.
Юралан пукӧс одзас сулалісь Дзельыс пондас видзӧтны ны сьӧрын. Визывтан ловья ва дорӧ пондас вайӧтлыны. Еныс чышкас нылісь быд синва вотьсӧ.
