Иоан 5:23 - Бур Юӧр 2019

²³ медбы Айсӧ моз быдӧнныс бурӧ пуктісӧ Зонсӧ. Мортыс оз кӧ бурӧ пукты Зонсӧ, сэк оз бурӧ пукты и Айсӧ, Кӧда ыстіс Зонсӧ.

Иоан 5:23 Mawu Ofanana

Матвей 10:37

Мортыс ассис ай-мамсӧ радейтӧ кӧ Месся буржыка, Меным сія абу туяна морт. Кин ассис нывсӧ али зонсӧ радейтӧ кӧ Месся буржыка, Меным сія абу туяна морт.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Матвей 12:21

Отирпӧлӧсыс пондасӧ надейтчыны Сы вылӧ.

Матвей 15:8

─ Эта йӧзыс дзир ӧмнаныс Менӧ бурӧ пуктӧны. Нылӧн сьӧлӧмныс эд Ме дынсянь ылын видзсьӧ.

Матвей 28:19

Сідзкӧ, мунӧ, велӧтӧ быдӧс отирсӧ. Пыртӧ нійӧ Ай, Зон да Вежа Лов нимӧн.

Лука 10:16

Кин тіянӧс кывзӧ, сія Менӧ кывзӧ. Кин тіянӧс абутӧмӧ пуктӧ, сія Менӧ абутӧмӧ пуктӧ. Менӧ абутӧмӧ пуктісьыс Менӧ Ыстісьсӧ абутӧмӧ пуктӧ».

Иоан 14:1

«Ась некытшӧм тӧждісьӧм оз ло сьӧлӧм выланыт: веритӧ Еныслӧ, веритӧ и Меным.

Иоан 16:14

Сія босьтас Месянь да юӧртас тіянлӧ. Сідз Сія Меным ваяс ошкӧмсӧ.

Иоан 17:10

Быдӧс, мый Менам эм, сія Тэнат. Быдӧс, мый Тэнат, сія Менам. Нія ваясӧ Меным ошкӧмсӧ.

Римын оліссезлӧ 1:7

Гижа Римын оліссезлӧ, Енлӧн дона отирлӧ. Тійӧ ─ Сылӧн бӧрйӧм вежа отир. Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Римын оліссезлӧ 15:12

Исайыс тай сідз висьталӧм: ─ Иессей вужись петӧмыс лэбтісяс. Сувтас босьтны Ас кипод увтас быд кыв вылын баитісь отирсӧ. Отирыс пондасӧ надейтчыны Сы вылӧ.

Римын оліссезлӧ 6:22

Ӧні тійӧ мезмит умӧль керӧмыслӧн домӧттэзісь, лоит Енлӧн раббез. Тіян бур воӧмныт ─ вежа олан. А вежа олансянь ─ пырся олан.

Римын оліссезлӧ 8:9

Олӧ кӧ Еныслӧн Лолыс тіян пытшкын, сэк тійӧ одӧ ни олӧ вывтырныт сьӧрті. Кинлӧн абу Кристослӧн Лолыс, сія мортыс абу Сылӧн.

1 Коринфын оліссезлӧ 1:3

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

1 Коринфын оліссезлӧ 10:31

Сідзкӧ, сёят, юат я, мыйкӧ мӧдікӧ я керат, ─ быдӧс керӧ Енсӧ ошкӧм могись.

1 Коринфын оліссезлӧ 16:22

Кин оз радейт миянлісь Дӧсвидзись Кристос Исуссӧ, сія ёрдӧм. «Марана та» ─ Дӧсвидзисьным, лок!

1 Коринфын оліссезлӧ 6:19

Одӧ разь тійӧ тӧдӧ: тіян вывтыррезныт ─ Вежа Лолыслӧн оланін, и Сія олӧ тіян пытшкын? Вежа Ловсӧ тіянлӧ сетіс Еныс. Тійӧ и асьныт абу асланытӧсь.

2 Коринфын оліссезлӧ 1:9

и миянӧс пӧ сетасӧ вийны. Сійӧн мийӧ эгӧ надейтчӧ ас выланым, а кулӧммесӧ Ловзьӧтісь Ен вылӧ.

2 Коринфын оліссезлӧ 5:14

Кристослӧн радейтӧмыс эд веськӧтлӧ миянӧн. Мийӧ юраным видзам: ӧтік Морт куліс кӧ быдӧс отир понда, то быдӧнныс кулісӧ.

2 Коринфын оліссезлӧ 5:19

Еныс Кристос Исусыс пыр бурасис му вылын оліссескӧт. Ны вылӧ умӧль керӧммезнысӧ оз ни вайӧт. А миянлӧ тшӧктіс висьтасьны бурасьӧм йылісь Кыв.

Ефесын оліссезлӧ 6:24

Еныслӧн бурсетӧмыс ась лоас быдӧнныскӧт, кӧдна дугдывтӧг радейтӧны миянлісь Дӧсвидзись Кристос Исуссӧ. Аминь.

2 Тимофейлӧ 1:12

Сійӧн ме сідз песся-мырся. Меным сысянь абу рожа кулян, ме эд тӧда, Кинлӧ верита. Ме тӧда: Еныс вына видзны меным сетӧмсӧ Аслас локтан лунӧдз.

Еврейезлӧ 1:6

Олан муас Медодз Чужӧмсӧ петкӧтікӧ Еныс висьталӧм: ─ Сылӧ ась копыртчӧны Енлӧн ангеллэс быдӧнныс.

2 Петра 1:1

Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

1 Иоан 2:23

Кристоссӧ мортыс оз кӧ пукты Ен Зонӧ, сылӧн абу и Ен Айыс. Кристоссӧ Ен Зонӧ пуктісьыслӧн эм и Айыс.

2 Иоан 1:9

Быдыс, кин оз ов Кристослӧн велӧтӧм сьӧрті, оз видзсьы сы бердӧ, сія Ентӧг олісь. Кристослӧн велӧтӧм сьӧрті олісьлӧн эм и енӧжись Айыс и Сылӧн Зоныс.