22 Айыс ӧтік мортӧс оз судит. Сія Судитісьнас сувтӧтіс Зонсӧ,
Айыс и судитан вынсӧ сетіс Зоныс киӧ, Сія эд Морт Зон.
Сія сувтӧтіс Судитан Лун, кӧр пондас веськыта бӧрйисьны быдӧс му вылісь отиркӧт. Судитісьӧн лоас Сылӧн сувтӧтӧм Мортыс. Сійӧ Мортсӧ быдӧнныслӧ мыччаліс, кӧр Сійӧ ловзьӧтіс».
Миянлӧ быдӧннымлӧ ковсяс локны Кристослӧн суд вылӧ. Быдӧнным босьтамӧ му вылас оліканым керӧм понда: ӧтіккез ─ бурсӧ керӧм понда, мӧдіккез ─ умӧльсӧ керӧм понда.
Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.
Сія миянлӧ тшӧктіс отирыслӧ висьтасьны адззылӧм-тӧдӧмнымӧс да юӧртны: Еныс Сійӧ сувтӧтӧм ловьяэсӧ кулӧммескӧт Судитісьӧн.
Сэк Исусыс шуис: «Ме локті му вылас суд чулӧтны, медбы синтӧммес пондісӧ адззыны, а синаэс дугдісӧ адззыны».
Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:
Но лоас лун, кӧр Кристос Исус отсӧтӧн Еныс пондас судитны отирсӧ гусьӧна керӧммезныс понда. Эта йылісь ме баитлі Бур Юӧрсӧ висьтасьӧмӧ коста.
Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.
Судитісьыс одзын нылӧ ковсяс ас понданыс кыв видзны. Ловьяэсӧ кулӧммескӧт судитны Сылӧн быдӧс лӧсьӧтӧм ни.
Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.
Айыс радейтӧ Зонсӧ, и быдӧс сетіс Сы киӧ.
Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.
