Иоан 5:17 - Бур Юӧр 2019

¹⁷ Исусыс шуис нылӧ: «Менам Айӧ дугдывтӧг керӧ уджсӧ, сідз и Ме кера».

Иоан 5:17 Mawu Ofanana

Матвей 10:29

Оз я вузалӧ кык учӧт пышкайӧс ӧтік учӧт сьӧм вылӧ? Пышкайес коласісь нельки ӧтікыс оз усь му вылас, оз кӧ лэдз Айныт.

Иоан 10:36

Сэк мыля нӧ тійӧ Менӧ шуат, серала пӧ Еныс вылын? Сы понда я, мыля висьталі: "Ме ─ Енлӧн Зон"? Менӧ эд Айӧ керис вежаӧн да ыстіс му вылас.

Иоан 14:10

Он разь тэ верит: Ме Айӧ пытшкын, а Айӧ Ме пытшкын? Тіянлӧ Менам висьталӧмӧ абу Ассяням. Меын олісь Айӧ керӧ Ассис уджсӧ Ме пыр.

Иоан 5:16

Сэк иудейес шоччисян лунӧ сэтшӧмсӧ керӧм понда Исуссӧ пондісӧ дзескӧтны. Нія Сійӧ мӧдісӧ вийны.

Иоан 5:18

Сэк иудейес ӧддьӧнжык пондісӧ кошшыны, кыдз бы Сійӧ вийны. Сія эд керис сійӧ, мый оз туй керны шоччисян лунӧ. Енсӧ Сія шуис Аслас Айӧн, сідз Асьсӧ Еныскӧт ӧтвесьтӧ пуктіс.

Иоан 9:4

Меным колӧ керны уджсӧ Менӧ Ыстісьлісь, кытчӧдз луныс эз на чулав. Сибалӧ ой. Ойнас некин нем оз вермы керны.

Ап. керӧммез 14:17

Но Еныс эта коста эз дугдыв висьтасьны отирыслӧ Ас йывсис бурсӧ керӧммез пыр: енӧжсянь зэр сетӧмӧн, нянь да карч воӧмӧн, сёянӧн вердӧмӧн да гажнас сьӧлӧммезнымӧс тыртӧмӧн».

Ап. керӧммез 17:28

Мийӧ Сыкӧт ӧтлаасьӧмӧн олам, ветлӧтам да лолалам. Тіян коласісь мукӧд кывбур гижиссес висьталісӧ: "Мийӧ быдӧнным Сы увтырись".

1 Коринфын оліссезлӧ 12:6

Еныс ӧтік, и Сія Ассис уджсӧ быд морт пытшкын вермӧ керны быдмоза.

Колосын оліссезлӧ 1:16

Енӧжисьыс да му вылісьыс, тыдаланаыс да тыдавтӧмыс ─ быдӧс вӧлі аркмӧтӧм Сы пыр. Вылынжыка пукаліссес да юраліссес, веськӧтліссес да выннэс ─ быдӧс вӧлі аркмӧтӧм Сы пыр да Сы понда.

1 Фессалоникаын оліссезлӧ 2:13

Енлісь Кывсӧ тійӧ кыліт миянсянь. Сійӧ Кывсӧ тійӧ эдӧ босьтӧ кыдз мортлісь, босьтіт кыдз Енлісь Кывсӧ. Сія и былись Енлӧн Кыв, кӧда керӧ ассис уджсӧ тіян сьӧлӧммезын, веритісь отирын. Эта понда мийӧ дугдывтӧг буркывтам Енсӧ.

Еврейезлӧ 1:3

Зоныс ─ Айыслӧн ошкӧм-югьялӧмыс. Сія быдӧсын Айыс кодь, быдӧс видзӧ Аслас вына кылӧн. Сія сӧстӧмтіс миянӧс умӧль керӧммезсиным да пуксис енӧжас вына Еныскӧт ордчӧн веськыт ладорас.