Иоан 4:36 - Бур Юӧр 2019

³⁶ Вундісьлӧ керӧм уджыс понда вештӧны. Сія ӧктӧ воӧмсӧ пырся оланӧ. Сійӧн кӧдзисьыс вундісьыскӧт ӧтлаын пондасӧ гажӧтчыны.

Иоан 4:36 Mawu Ofanana

Матвей 19:29

Быдыс, кин Ме понда коляс керкусӧ, воннэсӧ, сойесӧ, айсӧ, мамсӧ, челядьсӧ, ассис муэсӧ, сія сёпӧв унажык босьтас да пырас пырся оланӧ.

Иоан 3:36

Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

Иоан 4:14

Кин пондас юны васӧ, кӧдӧ Ме сета, сылӧн некӧр оз понды косьмыны горшыс. Менам ваӧ мортыс пытшкын лоас ва петанінісь визывтан шорӧн, кӧда сетӧ пырся олан».

Иоан 5:24

Тіянлӧ быльсӧ веськыта висьтала: мортыс кывзӧ кӧ Менчим кыввезӧс да веритӧ Менӧ Ыстісьлӧ, сылӧн эм пырся олан. Сія суд вылас оз ни шед. Сія вуджис ни кулӧмись оланӧ.

Римын оліссезлӧ 1:13

Висьтала тіянлӧ: ме унаись лӧсьӧтчывлі локны тіян дынӧ, но ӧнӧдз менӧ пыр мыйкӧ падмӧтлывліс. Ме и тіян дынын мӧда адззыны велӧтӧмсим бур воӧмсӧ мӧдік отирын моз.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Римын оліссезлӧ 6:22

Ӧні тійӧ мезмит умӧль керӧмыслӧн домӧттэзісь, лоит Енлӧн раббез. Тіян бур воӧмныт ─ вежа олан. А вежа олансянь ─ пырся олан.

Римын оліссезлӧ 6:23

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

1 Коринфын оліссезлӧ 9:17

Кера кӧ ме этӧ ассяням, сэк меным сы понда вештасӧ. Тшӧктӧм сьӧрті кӧ ─ сэк ме кера дзир меным сетӧм уджсӧ.

1 Коринфын оліссезлӧ 9:18

Мый понда меным вештыны? Ме нуӧта Кристосыс йылісь Бур Юӧрсӧ да висьтасьӧмӧ понда нем ог босьт. Кыдз апостол, висьтасьӧмӧ понда ме верми бы и босьтны, но ме ог босьт.

1 Фессалоникаын оліссезлӧ 2:19

Кин миян гажыс, надеяыс да ошкан юркытшыс? Этӧ тійӧ. Мийӧ пондам ошшасьны тіянӧн Дӧсвидзись Кристос Исусным одзын Сылӧн локтӧм коста.

1 Тимофейлӧ 4:16

Видзӧт ас сьӧрат: кыдз олан да велӧтан. Пыр сідз кер. Сідз керӧмнат мездан асьтӧ да и тэнӧ кывзіссесӧ.