Иоан 4:34 - Бур Юӧр 2019

³⁴ Исусыс шуис нылӧ: «Менам сёяныс ─ быдӧс керны сідз, кыдз колӧ Менӧ Ыстісьлӧ да ештӧтны Сылісь уджсӧ.

Иоан 4:34 Mawu Ofanana

Матвей 26:39

Сія муныштіс одзлань, уськӧтчис му вылас да пондіс кеймисьны: «Айӧ, позьӧ кӧ, ась орддьӧ Менӧ сія дозыс. Но ась оз ло Ме сьӧрті, а кыдз Тэныт колӧ».

Матвей 3:15

Исусыс сэтчӧ шуис: «Ӧні кер сідз, кыдз колӧ. Сідз мийӧ быдӧс керам Еныс сьӧрті». Сэк Иоаныс Исуссӧ пыртіс.

Матвей 9:19

Исусыс чеччис да Аслас велӧтчиссезкӧт муніс веськӧтлісьыс бӧрсянь.

Лука 15:10

Тіянлӧ висьтала: ӧтік морт понда овлӧ сэтшӧм жӧ гажыс Енлӧн ангеллэзлӧн, бергӧтчас кӧ мортыс умӧль керӧммес дынісь Енлань».

Лука 19:10

Морт Зон эд локтіс адззыны да мездыны ӧшӧммесӧ».

Лука 2:49

Исусыс нылӧ шуис: «Мыйлӧ тіянлӧ коліс кошшыны Менӧ? Одӧ разь тӧдӧ, Меным эд колӧ лоны Айӧ ордын».

Иоан 17:4

Ме мыччалі Тэнчит югьялан вынтӧ му вылас, кери Тэнчит сетӧм уджсӧ.

Иоан 19:28

Исусыс тӧдіс, быдӧс ни керсис. Сія шуис: «Горшӧ косьмӧ». Сідз быдӧс и керсис, кыдз вӧлі висьталӧм Вежа Гижӧтын.

Иоан 19:30

Исусыс тырпыштіс юансӧ да шуис: «Аркмис!» Сэсся ӧшӧтіс юрсӧ да лэдзис ловсӧ.

Иоан 4:32

Сія шуис нылӧ: «Менам эм сёяныс. Сійӧ сёянсӧ тійӧ одӧ тӧдӧ».

Иоан 5:30

«Ме Ассяням нем ог вермы керны. Ме судита веськыта, Айӧ висьталӧм сьӧрті. Ог кер Ас сьӧртӧттям, кера Менӧ ыстісь Айӧ тшӧктӧм сьӧрті.

Иоан 5:36

Ме йылісь висьталӧмыс Иоанлӧн висьталӧмся вынажык. Ме кера Айӧлісь сетӧм уджсӧ. Менам керӧмӧ мыччалӧ: Менӧ ыстіс Айӧ.

Иоан 6:33

Енлӧн няньыс ─ енӧжись Локтӧмыс. Сія отирлӧ сетӧ олан».

Иоан 6:38

Енӧжсяняс Ме эг лок керны, мый Меным колӧ. Ме локті керны сійӧ, мый колӧ Айӧлӧ. Сія эд Менӧ ыстіс.

Иоан 8:29

Менӧ Ыстісьыс Мекӧт. Айӧ эз коль Менӧ ӧтнамӧс. Ме эд быдӧс кера Сы сьӧрті».

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.