Иоан 4:23 - Бур Юӧр 2019

²³ Локтас кад, кӧр былись копрасиссес пондасӧ кеймыны Айнымлӧ быль сьӧрті да Ловсянь. Сэтшӧм копрасиссезӧс Айным Аслыс кошшӧ. Сія кадыс и локтіс ни.

Иоан 4:23 Mawu Ofanana

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Иоан 12:23

Исусыс висьталіс нылӧ: «Локтіс кад мыччавны Морт Зонлісь югьялӧмсӧ.

Иоан 16:2

Тіянӧс вашӧтасӧ синагогаэзісь. Сибалӧ сэтшӧм кад, кӧр тіянӧс пондасӧ вийлыны. Вийиссес пондасӧ шуны, сідз пӧ нія кысъялӧны Енлӧ.

Иоан 16:32

Локтӧ кад, да и эта кадыс локтіс ни. Тійӧ рознитчат, Менӧ ӧтнамӧс колят. Но Ме абу ӧтнам, Айӧ эд Мекӧт.

Иоан 4:21

Исусыс висьталіс: «Инька, верит Меным: сибалӧ кад, кӧр одӧ ни пондӧ копрасьны Айнымлӧ эта керӧсын да Ерусалимын.

Иоан 5:25

Тіянлӧ быльсӧ веськыта висьтала: локтӧ кад, да и локтіс ни, кӧр кулӧммес кыласӧ Ен Зонлісь шысӧ. Сійӧ кыліссес ловзясӧ.

Иоан 5:28

Тіянӧс ась оз кут диво висьталӧмӧсянь: локтӧ кад, кӧр кулӧммес кыласӧ Ен Зонлісь шысӧ

Римын оліссезлӧ 1:9

Еныс тӧдӧ, ме пыр видза тіянӧс тӧдвылам. Сылӧ ме кысъяла. Быдсӧн лолӧс пукта Сы уджӧ, висьтася Ен Зон йылісь Бур Юӧрсӧ.

Римын оліссезлӧ 8:15

Тіянлӧ сетӧм Ловсянь оз ков полӧмӧн овны-мырсьыны. Сія тіянӧс оз видз домӧттэзын. Тійӧ босьтіт сэтшӧм Лов, кӧда тіянӧс пуктӧ Енлӧн челядьӧ. Сія туйдӧтӧ миянӧс корны Енсӧ: «Авва, Айӧ!»

Римын оліссезлӧ 8:26

Миян вынным оз кӧ тырмы, сэк Ачыс Лолыс отсалӧ миянлӧ. Мийӧ эд огӧ тӧдӧ, кыдз да мый понда колӧ кеймыны. Ышлолалӧммезӧн, кыввез висьтавтӧг Ачыс Лолыс корӧ миян понда.

Галатияын оліссезлӧ 4:6

Тійӧ Енлӧн челядь, сійӧн Еныс ыстіс тіян сьӧлӧммезӧ Аслас Зонлісь Ловсӧ. Сія Енсӧ кытсалӧ: «Авва, Айӧ!»

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 3:3

Былись вундыштыштӧммес ─ этӧ мийӧ: копрасям Еныслӧ, кыдз велӧтӧ миянӧс Сылӧн Лолыс. Ошшасям Кристос Исусӧн, огӧ надейтчӧ ас выланым.

1 Петра 2:9

А тійӧ Енлӧн бӧрйӧм увтыр, Ӧксулӧн вежауджаліссез. Еныс босьтіс тіянӧс Аслас вежа отирӧн. Сія тіянӧс пемытсис корис адззывлытӧм югытас. Тійӧ ӧні сувтӧтӧмӧсь висьтасьны Сылісь бурся-бур керӧмсӧ.