Иоан 4:14 - Бур Юӧр 2019

¹⁴ Кин пондас юны васӧ, кӧдӧ Ме сета, сылӧн некӧр оз понды косьмыны горшыс. Менам ваӧ мортыс пытшкын лоас ва петанінісь визывтан шорӧн, кӧда сетӧ пырся олан».

Иоан 4:14 Mawu Ofanana

Матвей 25:46

Нія мунасӧ пырся сьӧкыта мучитчӧмӧ, а Ен сьӧрті веськыта оліссес ─ пырся оланӧ».

Матвей 5:6

Шудаӧсь, кӧдна сёян-юан моз кошшӧны Ен сьӧрті веськыта олӧмсӧ: нія пӧтасӧ.

Иоан 10:10

Гусясись локтӧ гусявны, вийны, разьны. Ме локті сетны олан, сетны олансӧ тырмӧмви.

Иоан 11:26

Быдыс, кин олікас веритӧ Меным, некӧр оз кув. Веритан я тэ Менам кыввезӧ?»

Иоан 4:10

Исусыс сылӧ висьталіс: «Тэ он тӧд Еныслісь козинсӧ. Тэ он тӧд, Кин тэныт висьталіс этнӧ кыввесӧ: "Юктав Менӧ ванат!" Кӧбы тӧдін, сэк ачыт бы корин Сылісь, и Сія сетіс бы тэныт ловья ва».

Иоан 4:11

Инькаыс шуис Сылӧ: «Бур Мортӧй! Тэныт нельки гумыштны немӧн, а юкмӧсыс пыдын. Кытісь нӧ Тэнат ловья ваыс?

Иоан 4:13

Исусыс шуис сылӧ: «Этӧ васӧ юисьлӧн горшыс бӧра пондӧ косьмыны.

Иоан 4:36

Вундісьлӧ керӧм уджыс понда вештӧны. Сія ӧктӧ воӧмсӧ пырся оланӧ. Сійӧн кӧдзисьыс вундісьыскӧт ӧтлаын пондасӧ гажӧтчыны.

Иоан 6:27

Эдӧ тӧждісьӧ тшыксян сёян понда, а тӧждісьӧ пырся олансӧ сетан сёян понда. Сійӧ сёянсӧ сетас тіянлӧ Морт Зон. Ен Айыс эд Сы вылӧ пуктіс Ассис пассӧ».

Иоан 6:35

Исус висьталіс: «Ме ─ олан сетан нянь. Ме дынӧ локтӧм мортыс оз понды тшыгьявны. Меным веритісьлӧн некӧр оз понды косьмыны горшыс.

Иоан 6:58

Сія ─ енӧжись лэдзчисьӧм нянь. Сія няньыс абу айезнытлӧн кодь. Тіян айезныт сёйисӧ манна да кулісӧ, а этӧ няньсӧ сёйисьыс пондас овны пыр».

Иоан 7:37

Вежалунлӧн медбӧрья, медгажӧтчан лунас Исусыс сувтіс да горӧн висьталіс: «Кинлӧн косьмӧ горшыс, ась локтӧ Ме дынӧ да юӧ.

Римын оліссезлӧ 5:21

Умӧльсӧ керӧммес вайӧтлісӧ кулӧмӧдз. Ӧні бурсетӧм вынӧн Ен сьӧрті веськыта олӧмыс вайӧтӧ пырся оланӧ. Сія локтӧ Кристос Исуссянь, миян Дӧсвидзисьсянь.

Римын оліссезлӧ 6:23

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

2 Коринфын оліссезлӧ 1:22

миян вылӧ пуктіс пас ─ сьӧлӧммезаным сетіс Ассис Ловсӧ. Лолыс висьталӧ миянлӧ: Еныслӧн быдӧс кӧсйӧмыс керсяс.

Ефесын оліссезлӧ 4:30

Еныслісь Вежа Ловсӧ эд вайӧтӧ тӧждісьӧмӧдз. Вежа Лолыс ─ мездан лун кежӧ тіянлӧ сетӧм пас.

1 Петра 1:22

Быльсӧ кывзісьӧмӧн да Лов отсӧтӧн тійӧ сӧстӧммит, медбы воннэзнытӧ быдӧннысӧ радейтны ӧтмоза. Сӧстӧм сьӧлӧмсянь ӧтамӧднытӧ радейтӧмныт ась оз кус.

1 Иоан 5:20

Мийӧ тӧдам: Еныслӧн Зоныс локтіс, югдӧтіс миянӧс да сетіс мывкыдсӧ, медбы пондім тӧдны былись Енсӧ да ӧтлаасим Сылӧн былись Зонкӧт, Кристос Исускӧт. Сія и эм эд былись Еныс да пырся оланыс.

Осьтӧм 7:16

Некӧр сэсся нія озӧ пондӧ тшыгьявны, некӧр оз понды косьмыны горшныс. Некӧр нійӧ оз понды сотны шонді, оз понды пӧжны луншӧрӧн.

Осьтӧм 7:17

Юралан пукӧс одзас сулалісь Дзельыс пондас видзӧтны ны сьӧрын. Визывтан ловья ва дорӧ пондас вайӧтлыны. Еныс чышкас нылісь быд синва вотьсӧ.