6 Вывтырсянь шогмӧмыс ─ вывтыр. Ловсянь шогмӧмыс ─ лов.
Нія эзӧ шогмӧ вирсянь, вывтырлӧ да мортлӧ колӧмсянь, но шогмисӧ Еныссянь.
Эн дивуйтчы эта висьталӧмӧсянь: тіянлӧ колӧ вились шогмыны вылісянь.
Ме эд тӧда: меын, ылалӧм вывтырам, абу бурыс. Бурсӧ ме кера бы, да ог вермы.
Ошка ассим Енӧс миян Дӧсвидзись Кристос Исус понда, Сія эд этӧ керӧ! Сідзкӧ, ме сэтшӧм морт: Менам сьӧлӧмӧ кывзісьӧ Енлісь Туйдӧтсӧ, а вывтырӧ ─ умӧль керӧмлісь туйдӧтсӧ.
Одзжык мийӧ керим ковтӧмсӧ вывтырным ӧзйӧтчӧм-кыскӧм сьӧрті. Умӧльсӧ керны ӧзйӧтчӧммес керисӧ ассиныс уджнысӧ вывтыраным быдлаын. Туйдӧтыс ызйӧтліс миянӧс керны умӧльсӧ. Миян керӧмным вайӧтліс кулӧмас.
Олат кӧ умӧльсӧ керан вывтырныт сьӧрті, сэк кулат. Ен Лолыс отсӧтӧн кӧ вайӧтат вывтырнытлісь умӧль керӧмсӧ кулӧмӧдз, сэк пондат овны.
А Дӧсвидзиськӧт ӧтлаасьӧм мортыс лоас Сыкӧт ӧтік лов.
Сідзкӧ, кин ӧтлаасис Кристоскӧт, сія вились аркмӧтӧм. Важыс муніс, ӧні быдӧс виль.
Кӧдна Кристослӧн, нія ассиныс вывтырныс сьӧрті керӧмсӧ да ӧзйӧтчӧммесӧ дорисӧ крест вылас.
Мийӧ одзжык асьным вӧлім сэтшӧмӧсь. Вывтырным кыскӧм сьӧрті да юрӧ пыртӧм сьӧрті ӧзйӧтчӧмӧн керим умӧльсӧ. Сійӧн миянӧс видзчисис Енлӧн лӧгыс, кыдз и мӧдіккесӧ.
Сыкӧт ӧтлаасьӧмнаныт тійӧ вундыштыштӧмӧсь, но абу морт киӧн. Кристосыслӧн вундыштыштӧмыс мездіс тіянӧс умӧльсӧ керӧмсис, кӧда ыждаліс вывтыраныт.
Енсянь шогмӧмыс оз кер умӧльсӧ. Еныслісь кӧдзӧмсӧ эд сія видзӧ пытшкас. Оз вермы сія керны умӧльсӧ, Енсянь шогмӧм да.