35 Айыс радейтӧ Зонсӧ, и быдӧс сетіс Сы киӧ.
Исусыс сибӧтчис велӧтчиссес дынӧ да шуис: «Му вылын да енӧжын быдӧс вылын Ме сувтӧтӧм юравны.
Айыс ӧтік мортӧс оз судит. Сія Судитісьнас сувтӧтіс Зонсӧ,
Айыс Зонсӧ радейтӧ. Ассис быдӧс керӧмсӧ мыччалӧ Сылӧ. Сія мыччалас керӧммесӧ этнася ыджытжыккезӧ, кӧднасянь тіянӧс диво кутас.
Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».
Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.
Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.
Быдӧс вайӧтіс Сы коккез увтӧ. Сійӧ сувтӧтіс быдӧсся вылынжыка. Сія Вичкулӧн юрыс.
Исусыс тӧдіс: Айыс быдӧс сетіс Сы киэзӧ. Сія локтіс Еныс дынісь, Еныс дынӧ и бертӧ.
Кристосыс лэбтісис енӧжас да Еныскӧт пуксис веськыт ладорас. Сійӧ кывзісьӧны ангеллэс, енӧжсис юраліссес да выннэс.
Еныс быдӧс пуктіс Кристослӧн коккез увтӧ. Кӧр лоас висьталӧм, «Быдӧс Сы коккез увтын», вежӧртам: Дзир Ен Айыс ӧтнас абу Сы коккез увтын. Сія эд Ачыс быдӧс пуктіс Кристослӧн коккез увтӧ.
Эна медбӧрья луннэзӧ Еныс баитіс миянлӧ Зоныс пыр. Сы пыр Еныс аркмӧтіс и быдӧс енӧжисьсӧ да му вылісьсӧ, быдӧс сетіс Зоныс кипод увтӧ.
Ме велӧті нійӧ тӧдны Тэнӧ и эшӧ велӧта, медбы сэтшӧм радейтӧмыс, кыдз Тэ Менӧ радейтан, вӧлі ны пытшкын, и медбы Ме ны пытшкын олі».
Ме ны пытшкын, Тэ Ме пытшкын. Ась нія быдӧнныс быдӧсын лоӧны ӧтік. Му вылісь отирыс ась пондӧны тӧдны: Тэ ыстін Менӧ, и Тэ радейтан нійӧ Менӧ моз.
Айӧ Менӧ радейтӧ. Ме тіянӧс радейта Айӧ моз. Олӧ Менам радейтӧмын.
Петралӧн баитӧм коста нійӧ вевттис югыт кымӧр. Кымӧрсяняс кыліс баитан шы: «Сія Менам дона Зонӧ, сьӧлӧм гажӧ. Сійӧ кывзӧ!»
Енӧжсянь кыліс баитан шы: «Сія менам дона Зонӧ, олан гажӧ».
