Иоан 3:34 - Бур Юӧр 2019

³⁴ Енлӧн Ыстӧмыс висьталӧ Енлісь кыввесӧ. Еныс эд сетӧ Сылӧ Ловсӧ лыдтӧг.

Иоан 3:34 Mawu Ofanana

Матвей 12:18

─ То Менам Зонӧ, сьӧлӧмшӧрӧ Менам, олан гажӧ, Сійӧ Ме бӧрйи. Ме сета Сылӧ Ассим Лолӧс. Менчим веськыта судитӧмӧс Сія юӧртас уна отирлӧ.

Лука 4:18

─ Дӧсвидзисьлӧн Лолыс Ме вылын. Сія сувтӧтіс Менӧ мавтӧмӧн, ыстіс висьтасьны кориссезлӧ Бур Юӧр, веськӧтны дойдӧм сьӧлӧммесӧ, домӧттэзын мырсиссезлӧ юӧртны мезмӧмсӧ, синтӧммезлісь осьтны синнэзнысӧ, мездӧтны отир кипод увтын маитчиссесӧ,

Иоан 1:16

Сылӧн быдӧс тырмӧмись мийӧ быдӧнным босьтім бурсетӧм вылӧ бурсетӧм.

Иоан 15:26

Ме тіянлӧ Айӧсянь ыста Дорйисьӧс. Сія Быльыслӧн Лов, локтас Айӧсянь. Сія пондас висьтасьны Ме йылісь.

Иоан 16:7

Ме былись тіянлӧ баита: тіянлӧ буржык лоас, Ме муна кӧ. Ог кӧ мун, Дорйисьыс оз лок тіян дынӧ. Ме муна кӧ, иньда Сійӧ тіян дынӧ.

Иоан 3:17

Еныс эд Ассис Зонсӧ эз ысты му вылас отирсӧ судитны, а ыстіс мездыны.

Иоан 5:26

Айыс сетӧ олан. Сія и Зоныслӧ сетіс вын сетны олансӧ.

Иоан 7:16

Исус нылӧ висьталіс: «Ме ог велӧт Ассяням. Сія велӧтӧмыс Менӧ Ыстісьлӧн.

Иоан 8:40

Ме тіянлӧ висьталі Енсянь кылӧм быльсӧ, а тійӧ Менӧ мӧдат вийны. Авраамыс сідз эз керлы.

Иоан 8:47

Кин Енсянь, сія кывзӧ Енлісь кыввесӧ. Тійӧ абу Енсянь, сійӧн и одӧ кывзӧ».

Ап. керӧммез 10:38

Еныс Вежа Лолӧн да вынӧн мавтӧмӧн сувтӧтіс Назаретісь Исуссӧ. Ветлӧтікас Сія отирыслӧ керис уна бурсӧ: веськӧтліс да мездӧтліс кульыс кипод увтісь быдӧннысӧ, кӧдна сысянь пессисӧ-мырсисӧ. Сыкӧт эд вӧлі Еныс.

Римын оліссезлӧ 8:2

Кристос Исускӧт ӧтлаасьӧмсянь Ловлӧн туйдӧтыс сетӧ олан. Сія эд мездіс менӧ умӧльсӧ керӧмлӧн да кулӧмлӧн туйдӧтісь.

Ефесын оліссезлӧ 3:8

Ме вежа отирыс коласісь медучӧтыс, но меным сетӧм эта бурыс: ентӧдтӧммезлӧ висьтасьны Кристослӧн донася-дона бурсетӧм йылісь Бур Юӧрсӧ.

Колосын оліссезлӧ 1:19

Айыс юрас видзӧм, медбы Зоныс быдӧсын вӧлі Сы кодь.

Колосын оліссезлӧ 2:9

Кристосыс пӧртчис мортӧ. Аслас вывтырын Сія мыччаліс Енлісь быдӧс тырмӧмсӧ.

Осьтӧм 21:6

Сыбӧрын Сія висьталіс меным: «Быдӧс керсис! Ме ─ Альфа да Омега, Пондӧтісь да Пӧдналісь. Кинлӧн косьмӧ горшныс, Ме нылӧ козьнала васӧ ловья ва визывтанінсис.

Осьтӧм 22:1

Сэсся ангелыс меным мыччаліс олан сетан ю. Сія вӧлі крусталь кодь сӧстӧм. Юыс визывтіс Енлӧн да Дзельлӧн юралан пукӧссянь.