30 Сылӧ колӧ быдмыны, а меным учӧтсявны.
Гӧтрасись зон сія, кӧдалӧн эм невеста. Зонлӧн ёртыс сулалӧ да кывзӧ сійӧ. Сылӧ гажся-гаж кывны гӧтрасись зонлісь баитӧмсӧ. Сэтшӧм ыджыт гажыс ӧні менам.
Вылісянь Локтӧмыс быдӧннысся вылынжык. Му вылын олісьыс ─ дзир муись морт. Сія и баитӧ му вылісьыс йылісь. Енӧжись Локтӧмыс быдӧннысся вылынжык.
Кин Павелыс, кин Аполлосыс? Нія дзир кысъяліссез, кӧдна пыр тійӧ пондіт веритны. Быдыс керис Дӧсвидзисьлісь сетӧм удж.
Сія вывтырыслӧн, вичкуыслӧн, Юрыс. Сія ─ быдӧс Пондӧтісь, кулӧмись медодзза Ловзись, медбы быдӧсын Сія вӧлі медодззаӧн.
Сизимӧт ангел пондіс пӧльтны аслас буксанӧ. Сэк енӧжас кылісӧ гора шыэз. Нія баитісӧ: ─ Быдӧс вылын Юралісьнас сувтіс миян Дӧсвидзисьным да Сылӧн Мавтӧмыс. Сія пондас юравны пырся-пыр.
