Иоан 3:27 - Бур Юӧр 2019

²⁷ Иоаныс нылӧ висьталіс: «Мортыс ас вылас босьтны нем оз вермы, абу кӧ сылӧ сетӧм енӧжсянь.

Иоан 3:27 Mawu Ofanana

Яков 1:17

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

1 Коринфын оліссезлӧ 4:7

Кин тэнӧ вылынжыка пуктіс? Тэ быдӧс босьтін Еныссянь. Босьтін кӧ, мый сэк ошшасян, жыв эн босьт.

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

Матвей 25:15

Ӧтіклӧ эзысьсӧ сетас вит талант, мӧдіклӧ кык талант, куимӧтлӧ ӧтікӧ. Быдӧнныслӧ сетас апракныс-вынныс сьӧрті да мунас.

1 Тимофейлӧ 2:7

Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

Матвей 21:25

Кытісь локтіс Иоанлӧн пыртчӧмыс? Енӧжсянь али мортсянь?» Нія ас коласаныс пондісӧ баитны: «Висьталам кӧ, енӧжсянь пӧ, Сія шуас: "Мыля нӧ тійӧ сылӧ эдӧ веритӧ?"

Римын оліссезлӧ 12:6

Миянлӧ быдӧннымлӧ Еныс сетіс кытшӧмкӧ верман-кужан козин. Енлӧн бурсетӧмсянь миян коласісь быдыс вермӧ керны кытшӧмкӧ удж. Сетӧм кӧ тэныт Енсянь юӧртны, юӧрт веритӧмыт сьӧрті.

Марк 13:34

Сія кадыс кыдз морт, кӧда петӧ туйӧ, ассис керкусӧ кольӧ раббез киӧ. Быдыслӧ сетӧ удж, а ыбӧс сьӧрын видзӧтісьлӧ оз тшӧкты и син куньны.

Ефесын оліссезлӧ 1:1

Гижӧ Павел, Кристос Исуслӧн апостол. Апостоллісь уджсӧ керны Еныслӧ вӧлі колӧм менӧ сувтӧтны. Гижа Ефесісь вежа отирлӧ, Кристос Исуслӧ веритіссезлӧ.

Галатияын оліссезлӧ 1:1

Гижӧ апостол Павел. Апостолнас ме эг вӧв пуктӧм морт висьталӧм сьӧрті, менӧ эзӧ бӧрйӧ отир, бӧрйисӧ Кристос Исус да Сійӧ кулӧмись ловзьӧтісь Ен Ай.

1 Коринфын оліссезлӧ 12:11

Этӧ быдӧс керӧ ӧтік Лов. Сія быдыслӧ сетӧ, кыдз Аслыс колӧ.

1 Коринфын оліссезлӧ 3:5

Кин Павелыс, кин Аполлосыс? Нія дзир кысъяліссез, кӧдна пыр тійӧ пондіт веритны. Быдыс керис Дӧсвидзисьлісь сетӧм удж.

Римын оліссезлӧ 1:5

Кристос пыр Еныс сетіс миянлӧ бурсетӧмсӧ да апостоллісь уджсӧ: мийӧ Кристос нимӧн быд кыв вылын баитісь йӧзсӧ вайӧтам веритӧмӧдз да Енсӧ кывзісьӧмӧдз.

1 Коринфын оліссезлӧ 1:1

Гижӧ Павел, Кристос Исуслӧн апостол. Еныслӧ вӧлі колӧм корны менӧ, медбы керны апостоллісь удж. Ӧтлаын мекӧт гижӧ Сосфен вонным.

Иоан 6:65

Сэк Сія шуис: «Сы понда Ме и висьталі тіянлӧ, некин оз вермы локны Ме дынӧ, оз кӧ ло сылӧ сетӧм Айӧсянь».

Иоан 10:41

Уна отир ӧксисӧ Сы дынӧ. Нія баитісӧ: «Иоаныс эз мыччав ӧтік адззывлытӧм керӧм, но мый сія висьталіс Исусыс йылісь, быдӧс быль».