Иоан 3:21 - Бур Юӧр 2019

²¹ Быльыс сьӧрті олісь морт мунӧ югытлань, медбы Ен отсӧтӧн керӧм уджыс сылӧн тыдаліс».

Иоан 3:21 Mawu Ofanana

1 Иоан 1:6

Шуам кӧ, мийӧ пӧ Сыкӧт ӧтвылісь, а асьным олам пемытінас, сэк мийӧ бӧбӧтчам, огӧ олӧ быльыс сьӧрті.

3 Иоан 1:11

Донаӧ, эн кер лёк кериссес моз, кер бурсӧ кериссес моз. Бурсӧ керисьыс Енсянь. Умӧльсӧ керисьыс эз адззыв Енсӧ.

Ефесын оліссезлӧ 5:9

Лолыслӧн воӧмыс ─ быдпӧлӧс бурсӧ керӧм, Ен сьӧрті веськыта олӧм да быль.

Филипын оліссезлӧ 2:13

Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Галатияын оліссезлӧ 6:8

Мортыс кӧдзӧ кӧ вывтыр сьӧрті керӧмсӧ, вундас кулӧм. Лов сьӧрті керӧмсӧ кӧдзӧ кӧ, Ловсянь вундас пырся олан.

1 Петра 1:22

Быльсӧ кывзісьӧмӧн да Лов отсӧтӧн тійӧ сӧстӧммит, медбы воннэзнытӧ быдӧннысӧ радейтны ӧтмоза. Сӧстӧм сьӧлӧмсянь ӧтамӧднытӧ радейтӧмныт ась оз кус.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

Колосын оліссезлӧ 1:29

Ме эта понда и уджала, песся Сысянь сетӧм вынӧн, кӧда ме пытшкын ёна керӧ ассис уджсӧ.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Иоан 5:39

Тійӧ велӧтат Вежа Гижӧттэсӧ, ны пыр кошшат босьтны пырся олансӧ, а ныын эд гижӧм Ме йылісь.

Иоан 1:47

Исусыс казяліс Сы дынӧ локтісь Нафанаилсӧ да висьталіс: «Эта былись Израились морт, оз ылӧтлы».

2 Коринфын оліссезлӧ 1:12

Миян сьӧлӧммезным висьталӧны: мийӧ асьнымӧс эгӧ лэбтӧ. Быд морткӧт мийӧ вӧлім осьта сьӧлӧмаӧсь, ӧддьӧнжык тіянкӧт. Миян ладорсянь умӧльыс нем эз вӧв. Сійӧн мийӧ вермам ошшасьны. Асланым морт мывкыдсянь нем эгӧ керӧ, миянӧс туйдӧтіс Еныслӧн бурсетӧмыс.

1 Коринфын оліссезлӧ 15:10

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

Осьтӧм 3:15

Ме тӧда тэнчит уджтӧ. Тэ абу дзирыт и абу кӧдзыт. Буржык бы вӧлі: тэ вӧлін бы кӧдзыт али дзирыт кӧ!

Иоан 3:20

Быд лёк керисьлӧ син вылӧ оз ков югытыс. Сія оз лок югытас, медбы сы лёк керӧм йылісь эзӧ пондӧ тӧдны.

Иоан 7:17

Кин лӧсьӧтчис керны Ен сьӧрті, сія вежӧртас, Енсянь я эта велӧтӧмыс, али Ассяням Ме баита.