Иоан 3:16 - Бур Юӧр 2019

¹⁶ Еныс эд сідз радейтӧ му вылісь отирсӧ, нельки сетіс Ассис ӧтка Зонсӧ, медбы Сылӧ быд веритісь эз кув, а сылӧн вӧлі пырся олан.

Иоан 3:16 Mawu Ofanana

Римын оліссезлӧ 5:8

А Кристосыс эд куліс миян понда, кӧр мийӧ олім умӧльсӧ керӧммезнаным. Сійӧн Еныс мыччаліс миянлӧ Ассис радейтӧмсӧ.

Иоан 3:15

медбы Сылӧ быд веритісь морт эз кув, а сылӧн вӧлі пырся олан.

Римын оліссезлӧ 8:32

Сылӧ нельки Ассис Зонсӧ ковсис сетны быдӧннымӧс мездӧм понда. Сэк Сыкӧт оз разь козьнав быдӧссӧ?

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Иоан 3:36

Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

1 Иоан 4:19

Пондам радейтны Енсӧ, одзжык эд Сія пондіс радейтны миянӧс.

Иоан 10:28

Ме сета нылӧ пырся олан. Нія некӧр озӧ кулӧ. И Менам киись нійӧ некин оз гусяв.

Римын оліссезлӧ 5:10

Мийӧ одзжык Еныс вылӧ лэбтісьлім. Но миян понда куліс Сылӧн Зоныс. Сы кулӧм пыр мийӧ Еныскӧт бурасим. Ӧні мийӧ, Еныскӧт бурасьӧм бӧрас, мезмам ни Кристосыс олӧм пыр.

Иоан 1:29

Мӧд лунас Иоаныс казяліс сы дынӧ локтісь Исуссӧ да шуис: «То Енлӧн Дзельыс! Сія босьтӧ отирлісь умӧль керӧммесӧ Ас вылас.

2 Фессалоникаын оліссезлӧ 2:16

Ен Айным радейтӧ миянӧс. Аслас бурсетӧмӧн Сія миянӧс пыр кежӧ бурӧтіс да козьналіс бур вылӧ надеясӧ. Дӧсвидзись Кристос Исусным да Ен Айным

Ефесын оліссезлӧ 2:4

Еныс миян дынӧ небыт сьӧлӧма. Сія миянӧс ёна радейтӧ.

Матвей 9:13

Мунӧ, вежӧртӧ этнӧ кыввесӧ: "Меным тіянсянь озӧ колӧ езъялан козиннэзныт, небыт сьӧлӧммезныт колӧны". Ме эг лок корны Ен сьӧрті веськыта оліссесӧ, локті корны умӧль кериссесӧ».

Осьтӧм 1:5

да Кристос Исуссянь. Сія Висьталісьыс надейнӧй. Медодз Сія ловзис кулӧммес коласісь да юралӧ му вылас юраліссез вылын. Сія радейтӧ миянӧс. Аслас вирӧн Сія мездіс миянӧс умӧль керӧммезсиным,

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Титлӧ 3:4

Но Мездӧтісь Енным миян дынӧ вӧлі небыт сьӧлӧма, Сія мыччаліс Ассис радейтӧмсӧ.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Марк 12:6

Мортыслӧн вӧлӧм ӧтік дона зон. Медбӧрын мортыс ыстас ассис зонсӧ. Сія висьталас: "Менчим зонӧс нія озӧ лысьтӧ вӧрзьӧтны".

Лука 2:14

─ Ошкӧм Еныслӧ вылын енӧжас! Лӧнь олан му вылын отирлӧ, кӧднӧ Сія радейтӧ!

Иоан 3:18

Сылӧ веритісьсӧ озӧ пондӧ судитны. А кин оз верит, сія судитӧм ни. Сія эд эз верит Енлӧн ӧтка Зонлӧ.

Еврейезлӧ 2:9

Но мийӧ адззам Исуссӧ: Сія ангеллэзся лажмытжыка вӧлі сувтӧтӧм недыр кежӧ. Сылӧ ковсис кувны быдӧнныс понда. Сідз локтіс отирлӧ Енлӧн бурсетӧмыс. Пессьӧмӧн-мырсьӧмӧн кулӧмыс понда Сія ӧні юркытшалӧм вылына лэбтӧмнас да югьялӧмнас.

1 Иоан 3:1

Видзӧтӧ, кытшӧм ёна радейтӧ миянӧс Айным. Сія миянӧс пуктіс Аслас челядьӧ. Миянӧс и шуӧны Енлӧн челядьӧн. Му выліссес озӧ тӧдӧ Сійӧ, сійӧн и миянӧс озӧ тӧдӧ.