Иоан 21:12 - Бур Юӧр 2019

¹² Исусыс шуис нылӧ: «Локтӧ, сёйӧ». Велӧтчиссес эзӧ лысьтӧ юавны Сылісь, кин Сія. Нія тӧдісӧ ни: Сія ─ Дӧсвидзисьыс.

Иоан 21:12 Mawu Ofanana

Ап. керӧммез 10:41

Но Сія эз мыччась быдӧнныслӧ, а дзир бӧрйӧммеслӧ. Еныс тай бӧрйӧм вӧлі миянӧс. Мийӧ Сійӧ адззылім асланым синнэзӧн. Исуслӧн ловзьӧм бӧрын мийӧ Сыкӧт сёйим да юим.

Иоан 16:19

Исусыс тӧдіс, мый нія мӧдісӧ юавны. Сія шуис: «Ӧтамӧднытлісь юасят Менам висьталӧм йылісь "Чожа Менӧ ӧштат син одзсиныт, сыбӧрын чожа мыйись бӧра казялат Менӧ"?

Иоан 21:15

Сёйӧм бӧрас Исусыс юаліс Симон-Петралісь: «Ионалӧн Симон, радейтан я тэ Менӧ мӧддэсся буржыка?» Петраыс Сылӧ висьталіс: «Радейта. Тэ эд тӧдан: ме Тэнӧ радейта». Исусыс висьталіс сылӧ: «Видзӧт Менам дзеллез сьӧрын».

Марк 9:32

Велӧтчиссес эзӧ вежӧртӧ висьталӧмсӧ, а юасьны Сылісь полісӧ.

Иоан 4:27

Сы коста локтісӧ Сылӧн велӧтчиссес. Нійӧ диво кутіс, мыля Сія баитӧ инькакӧт. Но ны коласісь ӧтік морт эз висьтав: «Мый Тэныт сысянь колӧ? Мый йылісь сыкӧт сёрнитан?»

Лука 9:45

Нія висьталӧмсӧ эзӧ вежӧртӧ, сія эд нылӧ вӧлі пӧдана. Сылӧн висьталӧмыс эз лок ны дынӧдз. Юавны жӧ висьталӧмыс йылісь полісӧ.

Матвей 22:46

Нія кыввез бӧрсянь Сылӧ некин нем эз вермы висьтавны. Сія лунсянь некин ни нем эз лысьт юасьны Сылісь.

Иоан 21:11

Симон-Петра муніс кыскыны васис шедӧм черинас кыянсӧ. Сэтӧн быдӧс вӧлі гырись чери. Чериэс шедӧмась сё витдас куима. Сымда кыйӧм черисяняс кыянныс абу и косясьӧм.