Иоан 20:22 - Бур Юӧр 2019

²² Сідз шуӧм бӧрын пӧльыштіс ныланьӧ да висьталіс: «Лэдзӧ Вежа Ловсӧ сьӧлӧманыт.

Иоан 20:22 Mawu Ofanana

Иоан 14:16

Ме кора Айӧс сетны тіянлӧ мӧдік Дорйисьӧс, Кӧда пыр лоас тіянкӧт. И Айӧ Сійӧ сетас.

Иоан 15:26

Ме тіянлӧ Айӧсянь ыста Дорйисьӧс. Сія Быльыслӧн Лов, локтас Айӧсянь. Сія пондас висьтасьны Ме йылісь.

Иоан 16:7

Ме былись тіянлӧ баита: тіянлӧ буржык лоас, Ме муна кӧ. Ог кӧ мун, Дорйисьыс оз лок тіян дынӧ. Ме муна кӧ, иньда Сійӧ тіян дынӧ.

Иоан 20:21

Исусыс бӧра шуис нылӧ: «Лӧнь олан тіянлӧ! Кыдз Менӧ ыстіс Айӧ, сідз и Ме ыста тіянӧс».

Иоан 20:23

Кинлӧ умӧль керӧмсӧ проститат, сія лоас проститӧм. Кинлісь одӧ проститӧ, сы вылын умӧль керӧмыс кольччас».

Иоан 7:39

Сія баитіс Вежа Лов йылісь, Кӧдӧ сетасӧ Исуслӧ веритіссезлӧ. Сэк Вежа Лолыс эд эз на вӧв ныкӧт, Исусыс сэк эз на лэбтісь югьялӧмас да.

Ап. керӧммез 10:47

«Кинкӧ разь вермас нійӧ падмӧтны ваӧн пыртчыны? Нылӧ миян моз сетӧм Вежа Лолыс».

Ап. керӧммез 19:2

Сія нылісь юаліс: «Козьналіс я Еныс тіянлӧ Вежа Ловсӧ, кӧр пондіт веритны?» Нія висьталісӧ: «Мийӧ Вежа Лолыс йылісь эгӧ и кывлӧ».

Ап. керӧммез 2:38

Петраыс висьталіс нылӧ: «Бергӧтчӧ умӧль керӧммезныт дынісь да Кристос Исус нимӧн пыртчӧ, медбы Еныс проститіс умӧль керӧммезнытӧ. Сэк Сія козьналас тіянлӧ Вежа Ловсӧ.

Ап. керӧммез 2:4

Быдӧнныс тырисӧ Вежа Лолӧн. Нія пондісӧ сёрнитны мӧдік кыввез вылын Лов сетӧм сьӧрті.

Ап. керӧммез 4:8

Сэк Петра, кӧда вӧлі тырӧм Вежа Лолӧн, висьталіс нылӧ: «Израиль отирлӧн веськӧтліссез да пӧриссез!

Ап. керӧммез 8:15

Нія локтісӧ да кеймисӧ отирыс понда, медбы нылӧ Еныс сетіс Вежа Ловсӧ.

Галатияын оліссезлӧ 3:2

Меным ӧтікӧ колӧ тӧдны тіянсянь: мый понда тіянлӧ вӧлі сетӧм Вежа Лолыс? Туйдӧт сьӧрті керӧмныт понда али кылӧм Бур Юӧрас веритӧмныт понда?