Иоан 20:19 - Бур Юӧр 2019

¹⁹ Сія жӧ рытӧ Исуслӧн велӧтчиссес ӧксисӧ ӧтлаӧ. Керку ыбӧссэсӧ пӧдналісӧ, полісӧ иудейезісь да. Видзчисьтӧг локтіс Исусыс, сувтіс ны коласӧ да шуис: «Лӧнь олан тіянлӧ!»

Иоан 20:19 Mawu Ofanana

Иоан 20:26

Чулаліс кыкьямыс лун. Исуслӧн велӧтчиссес бӧра ӧксисӧ керкуӧ. Ныкӧт вӧлі и Фомаыс. Керку ыбӧссэс вӧлісӧ пӧданаӧсь. Сэтчӧ локтіс Исусыс, сувтіс ны коласӧ да шуис: «Лӧнь олан тіянлӧ!»

Иоан 14:27

Ме тіянлӧ коля лӧньсӧ. Ассим лӧньӧс сета тіянлӧ. Менам лӧньӧ не сэтшӧм, кыдз му вылісь отирлӧн. Сідзкӧ, ась оз ло сьӧлӧманыт некытшӧм тӧждісьӧм. Эд полӧ!

Иоан 20:21

Исусыс бӧра шуис нылӧ: «Лӧнь олан тіянлӧ! Кыдз Менӧ ыстіс Айӧ, сідз и Ме ыста тіянӧс».

Ефесын оліссезлӧ 2:14

Кристосыс миянлӧ вайис бурасьӧмсӧ. Сія иудейесӧ да мӧдік отирсӧ ӧктіс ӧтік отирӧ. Ны коласісь янсӧтансӧ Сія дзимляліс.

2 Фессалоникаын оліссезлӧ 3:16

Ачыс Дӧсвидзисьыс, лӧньсӧ Сетісьыс, ась быдлаын да быд кадӧ сетас тіянлӧ Ассис лӧньсӧ. Дӧсвидзисьыс ась лоас тіянкӧт быдӧнныткӧт!

Иоан 7:13

Отирыс полісӧ иудейезлӧн веськӧтліссезісь, сійӧн баитісӧ Сы йылісь гусьӧн.

Марк 16:14

Медбӧрын Исусыс мыччасис дасӧтік велӧтчисьлӧ сёйтӧнняныс. Сія ӧмаліс нійӧ чорыт сьӧлӧммезныс понда, мыля нія эзӧ веритӧ отирлӧ, кӧдна адззылісӧ Сійӧ ловзьӧм бӧрас.

Осьтӧм 1:4

Иоан гижӧ Асияись сизим вичкулӧ. Бурсетӧм да лӧнь олан тіянлӧ Сысянь, Кӧда эм, вӧлі да локтас. Сідз и сизим ловсянь, кӧдна сулалӧны Сылӧн юралан пукӧс одзын

1 Коринфын оліссезлӧ 15:5

Одзжык Кристосыс мыччасис Кифалӧ, сыбӧрын даскык велӧтчисьлӧ.

Иоан 16:33

Сідз Ме висьталі тіянлӧ, медбы тійӧ Меын адззитӧ лӧньсӧ. Тіянлӧ му вылас лоас сьӧкыт, но тійӧ эд полӧ, Ме верми му вылісьсӧ».

Еврейезлӧ 7:2

Авраамыс сылӧ янсӧтӧм дасӧт торсӧ быдӧсісь, мый шедӧм тышкасьӧмыс коста. Нимыс сьӧрті видзӧтны кӧ Мелкиседексӧ, сія лоӧ «веськыта оланлӧн ӧксу». Сія Салим карын ӧксу. Сія лоӧ «лӧнь оланлӧн» ӧксу.

Филипын оліссезлӧ 1:2

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Ефесын оліссезлӧ 6:23

Ен Айнымсянь да Дӧсвидзись Кристос Исуссянь лӧнь олан, радейтӧм да веритӧм тіянлӧ, воннэзӧ!

Римын оліссезлӧ 15:33

Лӧньсӧ сетісь Еныс ась лоас тіянкӧт быдӧнныткӧт! Аминь.

Иоан 16:22

Сідз и тійӧ ӧні. Гажтӧмыс тыртіс тіянлісь сьӧлӧммезнытӧ. Но Ме бӧра адззисьла тіянкӧт, сэк тіян сьӧлӧмныт гажмас. Тіянлісь сійӧ гажсӧ некин оз вермы мырддьыны.

Матвей 18:20

Кытӧн эд кыкӧн, куимӧн я ӧксясӧ Менам ним понда, сэтӧн и Ме лоа ныкӧт».

Матвей 10:13

Керкуын оліссес туяна отир кӧ, лӧнь оланыс сія керкуӧ пырас. Абу туянаӧсь кӧ, лӧнь оланыс тіянлӧ бертас.

Иоан 21:1

Сыбӧрын Исусыс бӧра мыччасис Аслас велӧтчиссезлӧ Тивериада ты дорын.

Иоан 21:14

Сэтӧн Исусыс куимӧтісь мыччасис велӧтчиссеслӧ ловзьӧм бӧрас.

Ап. керӧммез 1:3

Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.

3 Иоан 1:14

Видзчися чожа адззисьлыны тэкӧт да сёрнитчыны паныт пуксьӧмӧн.