Иоан 20:1 - Бур Юӧр 2019

¹ Шоччисян лун бӧрын асъяпоннас Магдала Мария локтіс дзебсяніныс дынӧ. Ӧтӧрас абу на вӧлі югдӧм. Сія казяліс: пыранінсӧ пӧдналан изыс вӧлі вештӧм.

Иоан 20:1 Mawu Ofanana

Марк 16:9

Шоччисян лун бӧрын асъяпоннас Исусыс ловзис. Сія медодз мыччасис Магдала Мариялӧ, кӧда пытшкись вашӧтіс сизим сэрпӧсь лов.

Матвей 27:60

да пуктіс аслыс лӧсьӧтӧм виль дзебсянінӧ, кӧда вӧлі кералӧм из керӧсын. Пыранін весьтас сія тарӧвтіс ыджыт из да муніс.

Марк 15:46

Ӧсипыс небис дӧра, крест вывсис лэдзис Исуслісь шойсӧ, каттис дӧраас да пуктіс из керӧсӧ кералӧм дзебсянінӧ. Пыранінас тарӧвтіс из.

Иоан 20:26

Чулаліс кыкьямыс лун. Исуслӧн велӧтчиссес бӧра ӧксисӧ керкуӧ. Ныкӧт вӧлі и Фомаыс. Керку ыбӧссэс вӧлісӧ пӧданаӧсь. Сэтчӧ локтіс Исусыс, сувтіс ны коласӧ да шуис: «Лӧнь олан тіянлӧ!»

Иоан 19:25

Крестыс дынын сулалісӧ Исуслӧн Мамыс, Мамыслӧн сойыс, Клеоплӧн Мария иньыс да Магдала Мария.

Осьтӧм 1:10

Дӧсвидзисьлӧн лунӧ ме тыри Лолӧн. Мышкам ме кылі гора шы, кыдз буксанісь. Сія висьталіс: «Ме ─ Альфа да Омега, Медодззаыс да Медбӧрьяыс.

Матвей 27:64

Сійӧн тшӧкты видзӧтны дзебсяніныс сьӧрын мӧдлунӧдз. Сылӧн велӧтчиссес вермасӧ ойнас локны да гусявны шойсӧ. Сэсся отирлӧ висьталасӧ, Сія пӧ ловзьӧм. Сідз медбӧрья бӧбӧтӧмыс лоас одззаысся умӧльжык».

1 Коринфын оліссезлӧ 16:2

Дӧсвидзисьлӧн лунӧ быдӧнныт шедтӧмсиныт сьӧмсӧ янсӧтлӧ, мымда вермат сетны, да видзӧ торйын. Сэк менам локтӧм коста оз понды ковны ӧктыны.

Ап. керӧммез 20:7

Неделяын медодзза лунӧ велӧтчиссес ӧксисӧ нянь чеглалӧм понда. Павелыс баитіс ныкӧт. Сёрнитӧмныс кыссис ойшӧрӧдз, мӧд лунас Павелыс лӧсьӧтчис мунны да.

Матвей 27:56

Ны коласын вӧлісӧ Магдала Мария, Яковлӧн да Ӧсиплӧн Мария мамныс да Зеведей зоннэзлӧн мамныс.

Матвей 27:66

Нія мунӧмась, пыранінсӧ пӧдналан из вылӧ пуктӧмась пас. Воиннэсӧ тшӧктӧмась видзӧтны дзебсяніныс сьӧрын.

Матвей 28:1

Шоччисян лун бӧрын асъяпоннас Магдала Мария мӧдік Мариякӧт локтісӧ видзӧтны дзебсянінсӧ.

Матвей 28:2

Видзчисьтӧг муыс ёна зэгаліс. Енӧжсянь лэдзчис Енлӧн ангел. Сія дзебсянін весьтсис вештіс изсӧ да пуксис сы вылӧ.

Иоан 11:38

Исусыс тӧждісьӧмӧн сибӧтчис дзебсянін дынас. Сія вӧлі лӧсьӧтӧм из керӧс гыркын. Пыраніныс вӧлі пӧдналӧм изӧн.

Иоан 11:41

Сэк дзебсянін одзсис вештісӧ из пӧдансӧ. Сэтӧн куйліс кулӧм Лазарыс. Исусыс лэбтіс синнэсӧ енӧжӧ да шуис: «Айӧ, буркывта Тэнӧ! Тэ эд кылін Менӧ.