Иоан 2:6 - Бур Юӧр 2019

⁶ Сэтӧн сулалісӧ изісь керӧм ва видзан квать доз. Быд дозӧ ваыс тӧрис сё литра гӧгӧр. Сэтісь васӧ нія видзлывлӧмась асьнысӧ сӧстӧмтны, кыдз вӧлі кӧркӧсянь лӧсьӧтӧм иудейезлӧн.

Иоан 2:6 Mawu Ofanana

Лука 16:6

Мортыс висьталас: "Сё лыддян доз ви". Сэк сія висьталас сылӧ: "Босьт ассит гижӧттӧ, тэрмасьӧмӧн гиж ─ витдас".

Иоан 2:7

Исусыс висьталіс кысъяліссеслӧ: «Тыртӧ доззэсӧ ваӧн». Быд дозӧ васӧ кисьтісӧ тырйӧн.

Иоан 3:25

Ӧтпыр Иоанлӧн велӧтчиссес иудейескӧт пондісӧ етшасьны мортлӧн сӧстӧммӧм йылісь.

Ефесын оліссезлӧ 5:26

медбы сӧстӧмтны сійӧ. Вичкусӧ сӧстӧмтіс ваӧн да кылӧн.

Еврейезлӧ 10:22

Сійӧн сибӧтчам Еныс дынӧ осьта сьӧлӧмӧн, ёна веритӧмӧн, быдӧс умӧльсис сӧстӧммӧм сьӧлӧммезӧн, сӧстӧм ваӧн миссьӧтӧм вывтырӧн.

Еврейезлӧ 6:2

Огӧ пондӧ мӧдпӧв баитны пыртчӧм йылісь, киэз пуктылӧм йылісь, кулӧммезісь ловзьӧм йылісь, суд вылын пыр кежӧ мыжйӧм йылісь.

Еврейезлӧ 9:10

Эта быдӧс дзир вывтыр понда керӧм: сёяннэз, юаннэз, быдкодь миссьӧтӧммез, быдпӧлӧс керӧммез. Сідз коліс керны кытшӧмкӧ кадӧдз, виль моз лӧсьӧттӧдз.

Еврейезлӧ 9:19

Моисейыс лыддьӧтіс отирыслӧ Туйдӧтсис быдӧс тшӧктӧммесӧ. Сэсся босьтіс пороззэзлісь да кӧзаэзлісь вирсӧ ва сорӧн, иссоп турун да гӧрд вурун. Ва сора вирас кӧтӧтіс иссопсӧ гӧрд вуруннас да резіс Туйдӧт небӧгсӧ и быдӧс отирсӧ.