Иоан 2:19 - Бур Юӧр 2019

¹⁹ Исусыс висьталіс нылӧ: «Разьӧ этӧ Вежа Керкусӧ, Ме сійӧ куим лунӧн бӧр лэбта».

Иоан 2:19 Mawu Ofanana

Марк 14:58

«Мийӧ кылім, кыдз Сія баитіс: "Ме разя киӧн керӧм Вежа Керкусӧ и куим лун бӧрті лэбта мӧдікӧ, китӧг керӧмӧ"».

Марк 15:29

Сэті ветлӧтіссес гогинялісӧ юрнаныс да видісӧ Сійӧ. Нія шувлісӧ: «Ӧй, Тэ! Вежа Керкусӧ Разись да куим лунӧн сійӧ Сувтӧтісь!

Матвей 27:40

Нія шувлісӧ: «Вежа Керкусӧ Разись да куим лунӧн сійӧ Сувтӧтісь, мезды Ачыт Асьтӧ! Енлӧн Зон кӧ Тэ, лэдзчы крест вывсис!»

Матвей 12:40

Ионаыс куим ой да куим лун вӧлӧм ыджыт чери кынӧмын. Сідз Морт Зон му сьӧлӧмас куим ой да куим лун чулӧтас.

Римын оліссезлӧ 8:11

Еныс Кристоссӧ ловзьӧтіс кулӧмсис. Олӧ кӧ тіян пытшкын Енлӧн Лолыс, Еныс и тіянлісь кулӧм вывтыррезнытӧ ловзьӧтас Аслас Лолӧн. Ӧні Сія Лолыс олӧ пытшканыт.

Ап. керӧммез 3:15

Олан Сетісьсӧ тійӧ вийит, но Еныс Сійӧ ловзьӧтіс. Мийӧ лоӧмсӧ асьным адззылім, ӧні сы йылісь и висьтасям.

Ап. керӧммез 2:32

Сійӧ Исуссӧ Еныс ловзьӧтіс. И Сійӧ мийӧ быдӧнным адззылім.

Ап. керӧммез 2:24

Но Еныс Сійӧ ловзьӧтіс, кулан выныслісь домӧттэсӧ орлаліс. Кулан выныс эд эз вермы видзны Исуссӧ.

1 Петра 3:18

Ачыс Кристосыс эд миян умӧль керӧммез понда ӧтпыр пессис-мырсис, медбы миянӧс вайӧтны Еныс дынӧ. Веськыта Олісьыс сетіс ловсӧ умӧльсӧ кериссез понда. Сылісь вывтырсӧ вийисӧ, но Енлӧн Лолыс ловзьӧтіс.

Римын оліссезлӧ 6:4

Сідзкӧ, пыртчӧмным коста мийӧ кулім, Кристосыскӧт вӧлім дзебӧмӧсь. Айыслӧн югьялан вынӧн Кристосыс ловзис. Сідз и мийӧ пондім овны вильмоза.

Иоан 11:25

Исусыс висьталіс: «Ме Ловзьӧтісь да олан Сетісь. Меным веритісьыс и кулас кӧ, пондас овны.

Марк 8:31

Исусыс велӧтчиссеслӧ пондіс баитны: «Морт Зонлӧ ковсяс уна пессьыны-мырсьыны. Бӧрйӧм пӧриссес, аркирейес да Туйдӧтӧ велӧтіссес Сійӧ абутӧм туйӧ пуктасӧ да виясӧ. Но куим лун бӧрті Сія ловзяс».

Колосын оліссезлӧ 2:12

Пыртчӧмныт коста тійӧ Сыкӧт вӧлітӧ дзебӧмӧсь, Сыкӧт и ловзит. Тійӧ эд веритіт Еныслӧ, Кӧда Аслас вынӧн ловзьӧтіс Кристоссӧ.

1 Коринфын оліссезлӧ 15:12

Мийӧ юӧртам Кристосыс йылісь сідз: Сія вӧлі кулӧм да ловзис. Тіян коласісь мукӧдыс кыдз нӧ вермӧны висьтавны, кулӧммес пӧ озӧ ловзьӧ?

Римын оліссезлӧ 4:24

сідз и миян йылісь. Миянӧс шуасӧ Ен сьӧрті веськыта оліссезӧн. Мийӧ эд веритам миянлісь Дӧсвидзись Исуссӧ Ловзьӧтісь Енлӧ.

Ап. керӧммез 3:26

Ассис Исус Зонсӧ Еныс ловзьӧтіс. Сійӧ ыстіс медодз бласлӧвитны тіянӧс, быдӧннытӧ бергӧтны лёк керӧммезныт дынісь».

Иоан 5:19

Сэтчӧ Исусыс шуис: «Тіянлӧ быльсӧ веськыта висьтала: Зон нем оз вермы керны Ассяняс, оз кӧ адззыв Айыслісь керӧмсӧ. Айыс моз керӧ и Зоныс.

Матвей 27:63

Нія шуӧмась: «Юралісь, миянлӧ тӧдвыланым усис: сія бӧбӧтчисьыс олікас баитіс, куим лун бӧрті пӧ ловзя.

Матвей 16:21

Сія лунсянь Исусыс пондіс велӧтчиссеслӧ висьтавлыны, мый Сыкӧт лоас. Сылӧ пӧ ковсяс мунны Ерусалимӧ, сэтчин уна сьӧкыта пессьыны-мырсьыны бӧрйӧм пӧриссезсянь, аркирейезсянь да Туйдӧтӧ велӧтіссезсянь. Сійӧ виясӧ, но куимӧт лунас Сія ловзяс.

Ап. керӧммез 6:14

Мийӧ эд асьным кылім сылісь баитӧмсӧ: Назаретісь Исусыс разяс пӧ Вежа Керкусӧ да вежас Моисейсянь миянлӧ кольччӧм тшӧктӧммесӧ».