Иоан 19:4 - Бур Юӧр 2019

⁴ Пилатыс бӧра петіс да шуис: «Ме петкӧта Сійӧ тіян одзӧ. Тійӧ тӧдӧ: ме ог адззы Сы сайын некытшӧм умӧль керӧм».

Иоан 19:4 Mawu Ofanana

Матвей 27:19

Пилатыс пукаліс судитісьлӧн пукӧс вылын. Сы коста сылӧн иньыс тшӧктӧм висьтавны Пилатыслӧ: «Эта Ен сьӧрті веськыта Олісьлӧ умӧльсӧ эн кер. Эта ойӧ вӧтын Сы понда ме ӧддьӧн песси-мырси».

Матвей 27:24

Пилатыс адззӧ: нем оз отсав, йӧзыс озӧ лӧньсьӧ, буржыка ӧзйӧны. Сійӧн сія йӧз син одзын миссьӧтіс киэсӧ да шуис: «Эта Ен сьӧрті веськыта Олісьлӧн кисьтӧм вирыс абу ме вылын. Видзӧтӧ асьныт».

Матвей 27:4

Сія нылӧ шуӧм: «Ме умӧльӧ кери, вузалі Мортӧс, кӧда нем умӧльсӧ эз кер». Нія паныт шуӧмась: «Миянлӧ мый? Ачыт видзӧт».

Матвей 27:54

Сё воинӧн веськӧтлісь да сыкӧт Исус сьӧрын мӧдік видзӧтіссез быдӧс лоӧмсӧ да му зэгалӧмсӧ адззылӧмсянь ӧддьӧн повзисӧ. Нія шуисӧ: «Сія эд былись вӧлӧм Енлӧн Зон».

Лука 23:4

Пилатыс аркирейеслӧ да отирыслӧ висьталіс: «Нем умӧльсӧ ме эг адззы эта Мортісь».

Лука 23:41

Мийӧ асланым лёк керӧм понда дорӧмӧсь, шедтӧмнымӧс и босьтім, а Сія эд умӧльсӧ нем эз кер».

Лука 23:47

Сё воинӧн веськӧтлісьыс этӧ быдӧс адззылӧм бӧрсянь ошкис Енсӧ. Сія висьталіс: «Былись эд эта мортыс вӧлӧм Ен сьӧрті веськыта олісь».

Иоан 18:33

Сэк Пилатыс бӧр пырис керкуас, корис дынас Исуссӧ да юаліс: «Тэ иудейезлӧн Ӧксу?»

Иоан 18:38

Пилатыс юаліс: «Мый сія быльыс?» Сідз висьталӧм бӧрын Пилатыс бӧр петіс иудейес дынӧ да висьталіс: «Ме эг адззы Сы сайын некытшӧм умӧль керӧм.

Иоан 19:6

Аркирейес да Вежа Керку сьӧрын видзӧтіссес казялісӧ Исуссӧ да пондісӧ горӧтны: «Дор Сійӧ крест вылӧ, дор!» Пилатыс нылӧ шуис: «Асьныт босьтӧ Сійӧ да дорӧ. А ме эг адззы Сы сайын умӧль керӧмсӧ».

2 Коринфын оліссезлӧ 5:21

Кристосыслӧн эз вӧв ӧтік умӧль керӧм. Миянлісь умӧль керӧммесӧ Еныс пуктіс Сы вылӧ, медбы Сыкӧт ӧтлаасьӧмсянь мийӧ лоим Ен одзын веськыта оліссезӧн.

Еврейезлӧ 7:26

Миянлӧ сэтшӧм Аркирей и колӧ: вежа, умӧльсӧ эз кер, сӧстӧм, янсӧтӧм умӧльсӧ кериссез дынісь, лэбтӧм енӧжжезся вылынжыка.

1 Петра 1:19

Тійӧ небӧмӧсь Кристослӧн дона вирӧн, Сія эд вӧлі сӧстӧм бур Дзельыс.

1 Петра 2:22

─ Сія эз кер нем умӧльсӧ. Сы ӧмись эз петлы бӧбӧтчӧмыс.

1 Петра 3:18

Ачыс Кристосыс эд миян умӧль керӧммез понда ӧтпыр пессис-мырсис, медбы миянӧс вайӧтны Еныс дынӧ. Веськыта Олісьыс сетіс ловсӧ умӧльсӧ кериссез понда. Сылісь вывтырсӧ вийисӧ, но Енлӧн Лолыс ловзьӧтіс.

1 Иоан 3:5

Тійӧ эд тӧдат, Ачыс Кристосыс эз кер нем умӧльсӧ. Сія локтіс босьтны миянлісь умӧль керӧммезнымӧс.