Иоан 18:11 - Бур Юӧр 2019

¹¹ Сэк Исусыс Петраыслӧ висьталіс: «Дзеб шыпурттӧ. Ог разь понды юны дозсис, кӧдӧ сетіс Меным Айӧ?»

Иоан 18:11 Mawu Ofanana

Матвей 26:39

Сія муныштіс одзлань, уськӧтчис му вылас да пондіс кеймисьны: «Айӧ, позьӧ кӧ, ась орддьӧ Менӧ сія дозыс. Но ась оз ло Ме сьӧрті, а кыдз Тэныт колӧ».

Матвей 20:22

Исусыс сылӧ висьталіс: «Тійӧ одӧ тӧдӧ, мый корат. Вермат я тійӧ юны дозсис, кӧдаись Ме понда юны? Вермат я пыртчыны Менам пыртчӧмӧн?» Нія Сылӧ висьталісӧ: «Вермам».

Иоан 20:17

Исусыс горӧтчис сылӧ: «Эн павкӧтчы Ме бердӧ. Ме эд эг на лэбтісь Айӧ дынӧ. Мун Менам воннэз дынӧ да висьтав нылӧ: Ме лэбтіся Аслам Ай дынӧ да тіян Ай дынӧ. Лэбтіся Аслам Ен дынӧ да тіян Ен дынӧ».

Иоан 15:10

Ме кера Айӧ тшӧктӧммез сьӧрті и ола Сы радейтӧмын. Тійӧ пондат кӧ керны Менам тшӧктӧммез сьӧрті, сэк пондат овны Менам радейтӧмын.

Еврейезлӧ 12:2

Пондам видзӧтны Исусыс вылӧ. Сія ─ веритӧмсӧ Сетісь да быдсӧн бура веритӧмӧдз Вайӧтісь. Локтан гажыс понда Сія куліс крест вылын. Сія эз видзӧт и отирлӧн сералӧм вылӧ. Ӧні Сія пукалӧ Енлӧн юралан пукӧскӧт веськыт ладорас.

2 Коринфын оліссезлӧ 10:4

Миян тышкасяннэзным абу отирлӧн кодьӧсь. Нія Енсянь, сетӧмӧсь разьны быдпӧлӧс ёна чорзьӧммесӧ: юрӧ ковтӧмӧ пыртӧммесӧ,

Лука 22:42

«Айӧ, колӧ кӧ Тэныт, нуӧт Ме дынісь сійӧ дозсӧ. Но ась оз ло Ме сьӧрті. Кер, кыдз Тэныт колӧ».

Матвей 26:42

Исусыс мӧдпырись муніс да кеймис: «Айӧ, Менӧ кӧ сія юан дозыс оз вермы орддьыны, Меным колӧ кӧ сійӧ юны, ась лоас Тэ сьӧрті».

2 Коринфын оліссезлӧ 6:7

Висьтасям быльсӧ, быдӧс керам Ен вынӧн. Миян тышкасянным ─ Ен сьӧрті веськыта олӧмным.

Иоан 18:36

Исусыс висьталіс: «Менам юралӧмӧ абу эта му вылісь. Вӧлі бы Менам юралӧмӧ эта му вылісь, сэк Менам отирӧ пессисӧ бы Ме понда и Ме эг бы сюр иудейес киӧ. Но Менам юралӧмӧ абу эта му вылісь».

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Лука 12:30

Енсӧ тӧдтӧм отирыс быдӧс сійӧ и кошшӧны. Айныт эд тӧдӧ, тіянлӧ сія колӧ.