Иоан 17:24 - Бур Юӧр 2019

²⁴ Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Иоан 17:24 Mawu Ofanana

Иоан 17:5

Айӧ, ӧні босьт Менӧ дынат, сет Меным Ассит югьялӧмтӧ. Сія югьялӧмыс Менам вӧлі Тэ дынын эшӧ быдӧс аркмӧтӧмӧдз.

Иоан 12:26

Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Иоан 14:3

Муна, лӧсьӧта тіянлӧ оланінсӧ да локта бӧр, босьта тіянӧс дынам.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

1 Иоан 3:2

Донаэзӧ, мийӧ ӧні Енлӧн челядь, а кытшӧмӧсь лоам, ӧні огӧ на тӧдӧ. Тӧдам дзир ӧтікӧ: Сы локтӧм коста асьным лоам Сы кодьӧсь. Сэк асланым синнэзӧн казялам, кытшӧм Сія.

2 Коринфын оліссезлӧ 3:18

Осьта чужӧмӧн мийӧ видзӧтам Дӧсвидзисьыс вылӧ. Сылісь югьялӧмсӧ мийӧ адззам кыдз видзӧтчанісь. Сысянь мийӧ лунісь лунӧ вежсям, пондам югьявны Сы моз. Сэтшӧммезӧн миянӧс керӧ Дӧсвидзисьлӧн Лолыс.

Матвей 25:21

Мортыс сылӧ шуас: "Бура керин! Тэ бур надейнӧй раб! Учӧтас тэ вӧлін надейнӧй, тэнат кипод увтӧ уна сета. Лок, ӧтлаын гажӧтчам".

1 Фессалоникаын оліссезлӧ 4:17

Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

Лука 12:37

Шудаӧсь нія раббес, кӧзяинныс локтӧм коста нія видзчисьӧны кӧ сійӧ. Веськыта висьтала тіянлӧ: сія лӧсьӧтчас, пуксьӧтас нійӧ пызан сайӧ да пондас потшуйтны.

Осьтӧм 3:21

Ме эд верми да пукси ордчӧн Айӧкӧт Сылӧн юралан пукӧс вылӧ. Сідз и вермалісьсӧ Ме пуксьӧта ордчӧн Аслам юралан пукӧс вылӧ.

1 Коринфын оліссезлӧ 13:12

Ӧні мийӧ адззам Енсӧ жыв гудыра видзӧтчанісь. Сэсся асланым синнэзӧн казялам Сылісь чужӧмсӧ. Ӧні ме тӧда дзир мымдакӧ. Менӧ эд Еныс тӧдӧ бура, сідз и ме сэсся понда тӧдны Сійӧ.

Матвей 26:29

Висьтала тіянлӧ: Ӧнісянь виноградсис юансӧ ог ни понды юны. Менам Айлӧн Юраланінын тіянкӧт ӧтлаын виль юансӧ понда юны».

Матвей 25:34

Сэк веськытланьын сулаліссеслӧ Ӧксуыс шуас: "Локтӧ, Менам Айлӧн бласлӧвитӧммез. Тіянлӧ вуджас Енлӧн Юраланіныс. Сія тіянлӧ лӧсьӧтӧм быдӧс аркмӧтӧмсянь ни.

Филипын оліссезлӧ 1:23

Меным колӧ и ӧтыс, и мӧдыс. Ме му вывсис бы муна ни, медбы овны Кристосыскӧт. Эта меным медбур.

2 Коринфын оліссезлӧ 5:8

Мийӧ огӧ полӧ. Асьным юраным видзам, миянлӧ буржык петны вывтырсиным да пырны Дӧсвидзись дынӧ.

Лука 23:43

Исусыс сылӧ висьталіс: «Быльсӧ тэныт висьтала: тэ талун жӧ лоан Мекӧт райын».

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

Осьтӧм 21:22

Ме карсис эг адззыв Вежа Керкусӧ. Карыслӧн Вежа Керкуыс ─ Дӧсвидзись, Дӧсвермись Ен да Сылӧн Дзельыс.

Матвей 25:23

Мортыс сылӧ шуас: "Бура керин! Тэ бур надейнӧй раб. Учӧтас тэ вӧлін надейнӧй, тэнат кипод увтӧ уна сета. Лок, ӧтлаын гажӧтчам".

Иоан 6:37

Быдӧнныс, кӧднӧ Меным сетӧ Айӧ, Ме дынӧ локтасӧ. Ме дынӧ локтӧм мортсӧ ог вашӧт дынсим.

Иоан 6:39

Менӧ ыстісь Айӧлӧн тшӧктӧмыс сэтшӧм: Сы сетӧммез коласісь ась ӧтік оз ӧш. Меным колӧ нійӧ медбӧрья лунас ловзьӧтны.

Иоан 8:58

Исусыс шуис нылӧ: «Тіянлӧ быльсӧ веськыта висьтала: Авраам шогмытӧдз Ме вӧлі ни».

Иоан 15:9

Айӧ Менӧ радейтӧ. Ме тіянӧс радейта Айӧ моз. Олӧ Менам радейтӧмын.

Иоан 17:2

Тэ быдӧннысӧ сетін Сы кипод увтӧ. А Сія сетас пырся олан быдӧнныслӧ, кинӧс Тэ Сылӧ сетін.

Иоан 17:22

Тэ Меным сетін югьялан вынтӧ. Сійӧ Ме сеті нылӧ. Миян моз ась и нія лоӧны ӧтвыв.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.