Иоан 17:19 - Бур Юӧр 2019

¹⁹ Ме сета Тэныт Ачымӧс ны понда, медбы быльыс керис нійӧ вежа отирӧн.

Иоан 17:19 Mawu Ofanana

Иоан 10:36

Сэк мыля нӧ тійӧ Менӧ шуат, серала пӧ Еныс вылын? Сы понда я, мыля висьталі: "Ме ─ Енлӧн Зон"? Менӧ эд Айӧ керис вежаӧн да ыстіс му вылас.

Иоан 15:13

Кин ёрттэс понда пуктас кӧ ловсӧ, сэтшӧм радейтӧмыс медвына.

Иоан 15:3

Тійӧ Менам висьталӧм кыввезӧн весӧтӧмӧсь ни. Ӧні тійӧ сӧстӧмӧсь.

Иоан 17:17

Кер нійӧ вежаэзӧн Аслат быльӧн. Быльыс ─ Тэнат Кылыт.

Иоан 17:20

Ме ог кор дзир ны понда. Кора и ны понда, кӧдна пондасӧ веритны Меным ны висьталӧмсянь.

1 Коринфын оліссезлӧ 1:2

Гижам Коринфӧ Енлӧн вичкулӧ. Еныс корис тіянӧс лоны вежа отирӧн. Вежаэзӧн тійӧ лоит Кристос Исускӧт ӧтлаасьӧмсянь. Гижам и мӧдіккезлӧ, кӧдна быдлаын миян моз корӧны Дӧсвидзись Кристос Исуссӧ нимнас.

2 Коринфын оліссезлӧ 4:15

Быдӧс эта керсьӧ тіян понда, медбы Еныслӧн унася-уна бурсетӧмыс йиджис быд сьӧлӧмӧ. Сэк и ошкыны да буркывтны Енсӧ унажыкӧн пондасӧ.

2 Коринфын оліссезлӧ 7:14

Ме Титыс одзын ошки тіянӧс и меным сы понда эз ковсьы гӧрдӧтны. Мийӧ эд тіян одзын эгӧ висьталӧ ӧтік бӧбӧтана кыв. Сідз и Титыслӧ миян ошшасьӧмным эз вӧв бӧбӧтчӧм.

2 Коринфын оліссезлӧ 8:9

Миян Дӧсвидзись Кристос Исуслісь радейтӧмсӧ тійӧ тӧдат. Сылӧн вӧлі быдӧс. Но тіян понда Сія быдӧс колис, медбы Сылӧн быдӧс кольӧмсянь тіян быдӧс вӧлі.

Колосын оліссезлӧ 1:6

Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.

1 Фессалоникаын оліссезлӧ 4:7

Еныс эз кор миянӧс сэрпӧссьыны, корис вежаэзӧн лоны.

2 Тимофейлӧ 2:10

Сійӧн ме песся-мырся Енлӧн бӧрйӧм отир понда, медбы Кристос Исусыс мездӧтіс и нійӧ да пыртіс пырся югьяланінӧ.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.

Еврейезлӧ 10:29

Сэк мымдаись сьӧкытжыка лоас мыжйӧм сія мортыс, кӧда бӧра чужьялӧ Енлісь Зонсӧ, абутӧм туйӧ пуктӧ Енкӧт Йитӧтлісь Вирсӧ, кӧда керис сійӧ вежаӧн, да видӧ бурсетӧмсӧ вайись Ловсӧ.

Еврейезлӧ 2:11

Отирсӧ вежаӧн Керисьыс да вежа отирыс ӧтік Айсянь. Сійӧн Сылӧ абу рожа кулян шуны нійӧ Аслас воннэзӧн.

Еврейезлӧ 9:13

Мортыс мыйкӧ умӧльӧ кӧ керас, сэк сійӧ киськалӧны пороз да кӧза вирӧн, сотӧм куканнезісь пӧимӧн, медбы сӧстӧмтны вывтырсӧ.

Еврейезлӧ 9:18

Сійӧн Ен да отир коласын одзза йитӧтсӧ керӧм коста коліс кисьтны вир.

Еврейезлӧ 9:26

Кристосыс кӧбы сідз керис, сэк Сылӧ оланыс пондӧтчӧмсянь коліс бы унаись кувлыны. Но Сія бӧрья кадӧ локтіс дзир ӧтпырись. Асьсӧ сетіс езъялан козинӧн, медбы отирсӧ умӧль керӧммезсиныс мездыны пыр кежӧ.

1 Иоан 3:18

Менам челядьӧ! Пондам радейтны быльыс сьӧрті да асланым керӧммезӧн, а не дзир кывнаным баитӧмӧн.

1 Иоан 3:3

Быдыс, кин сідз надейтчӧ Сы вылӧ, асьсӧ сӧстӧмтӧ, медбы лоны Сы кодь сӧстӧмӧн.