Иоан 16:32 - Бур Юӧр 2019

³² Локтӧ кад, да и эта кадыс локтіс ни. Тійӧ рознитчат, Менӧ ӧтнамӧс колят. Но Ме абу ӧтнам, Айӧ эд Мекӧт.

Иоан 16:32 Mawu Ofanana

Матвей 26:31

Сія велӧтчиссеслӧ висьталіс: «Талуння ойӧ тійӧ быдӧнныт Менӧ колят. Вежа Гижӧтыс висьталӧ: "Кувтӧдз уськӧта баляэз сьӧрын Видзӧтісьсӧ, и баляэс ӧтмӧдӧрӧ пышшасӧ".

Матвей 26:56

Быдӧс сідз лоис, медбы Енсянь юӧртіссеслӧн гижӧм сьӧрті керсис». Сэк велӧтчиссес быдӧнныс колисӧ Исуссӧ да пышшисӧ.

Марк 14:27

Исусыс шуис нылӧ: «Талуння ойӧ тійӧ быдӧнныт Менӧ колят. Вежа Гижӧтас висьталӧм: "Кувтӧдз уськӧта баляэз сьӧрын Видзӧтісьсӧ, и баляэс ӧтмӧдӧрӧ пышшасӧ".

Марк 14:50

Сэк быдӧнныс колисӧ Исуссӧ да пышшисӧ.

Иоан 12:23

Исусыс висьталіс нылӧ: «Локтіс кад мыччавны Морт Зонлісь югьялӧмсӧ.

Иоан 16:2

Тіянӧс вашӧтасӧ синагогаэзісь. Сибалӧ сэтшӧм кад, кӧр тіянӧс пондасӧ вийлыны. Вийиссес пондасӧ шуны, сідз пӧ нія кысъялӧны Енлӧ.

Иоан 16:25

«Талуння лунӧдз Ме баиті тіянкӧт велӧтан висьттэзӧн. Локтас кад, кӧр ог ни понды баитны тіянлӧ велӧтан висьттэзнас. Сэк веськыта висьтала тіянлӧ Айӧ йылісь.

Иоан 16:31

Исус шуис нылӧ: «Ӧні веритат?

Иоан 19:27

Сэсся висьталіс велӧтчисьыслӧ: «Сія тэнат Мам!» Сія кадсянь велӧтчисьыс босьтіс Исуслісь Мамсӧ дынас.

Иоан 20:10

Велӧтчиссес сэтісь бӧр бертісӧ.

Иоан 4:21

Исусыс висьталіс: «Инька, верит Меным: сибалӧ кад, кӧр одӧ ни пондӧ копрасьны Айнымлӧ эта керӧсын да Ерусалимын.

Иоан 4:23

Локтас кад, кӧр былись копрасиссес пондасӧ кеймыны Айнымлӧ быль сьӧрті да Ловсянь. Сэтшӧм копрасиссезӧс Айным Аслыс кошшӧ. Сія кадыс и локтіс ни.

Иоан 5:25

Тіянлӧ быльсӧ веськыта висьтала: локтӧ кад, да и локтіс ни, кӧр кулӧммес кыласӧ Ен Зонлісь шысӧ. Сійӧ кыліссес ловзясӧ.

Иоан 5:28

Тіянӧс ась оз кут диво висьталӧмӧсянь: локтӧ кад, кӧр кулӧммес кыласӧ Ен Зонлісь шысӧ

Иоан 8:16

Ме кӧ судита, судита веськыта. Ме эд абу ӧтнам. Мекӧт ӧтлаын Менӧ ыстісь Айӧ.

Иоан 8:29

Менӧ Ыстісьыс Мекӧт. Айӧ эз коль Менӧ ӧтнамӧс. Ме эд быдӧс кера Сы сьӧрті».

Ап. керӧммез 21:6

Ӧтамӧдкӧт кольласим да кайим корабль вылӧ. Миянӧс кольлаліссес бертісӧ гортӧ.

Ап. керӧммез 8:1

Савлыс вӧлі Стефансӧ вийиссез дор. Нія луннэзӧ Ерусалимас ёна пондісӧ дзескӧтлыны-вашӧтлыны веритіссесӧ. Веритіссес быдӧнныс мунісӧ-рознитчисӧ Самария да Иудея муэзӧ. Ерусалимас кольччисӧ дзир апостоллэс.