Иоан 16:20 - Бур Юӧр 2019

²⁰ Тіянлӧ быльсӧ веськыта висьтала: тійӧ пондат горзыны, синва кисьтны, а отирыс гажмасӧ. Тіянӧс гажтӧмыс кутас, но тіян гажтӧмсялӧмныт вежсяс гаж вылӧ.

Иоан 16:20 Mawu Ofanana

Матвей 21:38

Виноград вӧдитіссес казяласӧ зонсӧ да ӧтамӧдныслӧ шуасӧ: "Сылӧ быдӧс пажытьыс вуджас. Виям сійӧ. Сэк быдӧс миянлӧ дӧнзяс".

Матвей 5:4

Шудаӧсь горзіссес: нійӧ бурӧтасӧ.

Марк 14:72

Сэк жӧ мӧдпырся китсӧвтіс петук. Петралӧ тӧдвылас усисӧ Исуслӧн кыввес: «Петуклӧн кыкись китсӧвтӧмӧдз тэ куимись суськисян Менӧ тӧдӧмись». Петраыс пондіс горзыны.

Марк 16:10

Инькаыс муніс да юӧртіс Исусыс йылісь Сыкӧт ветлӧтіссезлӧ, кӧдна ӧні тӧждісӧ да горзісӧ.

Лука 22:45

Кеймӧмыс бӧрсянь Сія чеччис, локтіс велӧтчиссес дынӧ. Сія казяліс, тӧждісьӧмсяняс нылӧн садьныс бырӧм, и нія онмӧссьӧмась.

Лука 22:62

Петраыс сэтісь петіс да пондіс горзыны курыт синваӧн.

Лука 23:27

Сы сьӧрын муніс ӧддьӧн уна отир. Инькаэс горзісӧ, герьялісӧ Сы понда.

Лука 24:17

Исусыс нылісь юаліс: «Муніканыт мый йылісь тійӧ сідз баитат ас коласаныт? Мыля тійӧ сэтшӧм гажтӧмӧсь?»

Лука 24:21

Мийӧ надейтчим, Сія пӧ Израильсӧ мездас. А талун куимӧт лун ни мунӧ сія лоӧмсянь.

Лука 6:21

Шудаӧсь ӧні тшыгьяліссез, тійӧ пӧтатӧ. Шудаӧсь тійӧ, ӧні горзіссез, тійӧ пондат серавны.

Иоан 16:33

Сідз Ме висьталі тіянлӧ, медбы тійӧ Меын адззитӧ лӧньсӧ. Тіянлӧ му вылас лоас сьӧкыт, но тійӧ эд полӧ, Ме верми му вылісьсӧ».

Иоан 16:6

Но Менам висьталӧмсянь гажтӧмыс тыртіс тіянлісь сьӧлӧммезнытӧ.

Иоан 20:20

Сыбӧрын Сія мыччаліс нылӧ Ассис киэсӧ, ордлыэсӧ. Дӧсвидзисьсӧ казялӧм бӧрын велӧтчиссес гажмисӧ.

Ап. керӧммез 5:41

Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Римын оліссезлӧ 5:11

Но эта абу быдӧс. Миян гажным и Енсянь, миян Дӧсвидзись Кристос Исус отсӧтӧн эд мийӧ Сыкӧт бурасим.

2 Коринфын оліссезлӧ 6:10

Миянлӧ шогсӧ вайӧны, мийӧ тай пыр гажаӧсь. Миян нем абу, а миян сетӧмсянь унаӧн тай буржыка пондӧны овны. Миян нем абу, а быдӧс тай миян киын.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

1 Фессалоникаын оліссезлӧ 1:6

Уна шогсьӧм-мырсьӧм коста тійӧ гажӧн босьтіт Енлісь Кывсӧ. Сія гажыс Вежа Ловсянь. Сысянь тійӧ пондіт керны миян моз да Дӧсвидзисьыс моз.

Яков 1:2

Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс.

Иуда 1:24

Ошкӧ Сійӧ, Кин вермас видзны тіянӧс усьӧмись. Еныс вермас тіянӧс вайӧтны Аслас югьяланінӧ сӧстӧммезӧн да гажӧтчиссезӧн.

Осьтӧм 11:10

Ны кулӧмсянь му вылын оліссес пондасӧ гажӧтчыны. Ӧтамӧдныслӧ козьналасӧ козиннэз. Этна кык висьтавлісьыс эд ёна маитісӧ му вылын оліссесӧ.

Осьтӧм 18:7

Сетӧ сылӧ шогсӧ да мырсьӧмсӧ сымда, мымда сылӧн вӧлі гажӧтчӧмыс да ошкӧмыс. Сія эд ас йывсис баитӧ: ме пукала инь ӧксу моз, ме абу дӧва и некӧр ог понды тӧждыны.