Иоан 16:13 - Бур Юӧр 2019

¹³ Быльыслӧн Лолыс локтас да велӧтас тіянӧс быдӧс быляс. Сія оз понды баитны Ассяняс. Пондас баитны кылӧмсӧ да юӧртас одзланьсясӧ.

Иоан 16:13 Mawu Ofanana

Иоан 14:26

Дорйисьыс ─ Вежа Лов. Сійӧ Айӧ ыстас Менам нимӧн. Вежа Лолыс велӧтас тіянӧс быдӧсӧ. Менчим быдӧс висьталӧмӧс Сія пондас уськӧтлыны тӧдвыланыт.

Иоан 14:17

Сія Дорйисьыс ─ Быльыслӧн Лолыс. Сійӧ отирыс босьтны озӧ вермӧ, мыля Сійӧ озӧ адззӧ да озӧ тӧдӧ. Тійӧ тӧдат Сійӧ. Сія тіянкӧт и пыр лоас тіян пытшкын.

Иоан 15:26

Ме тіянлӧ Айӧсянь ыста Дорйисьӧс. Сія Быльыслӧн Лов, локтас Айӧсянь. Сія пондас висьтасьны Ме йылісь.

1 Иоан 2:27

Кристосыслӧн мавтӧмыс тіян пытшкын. Сійӧн тіянлӧ озӧ колӧ мӧдік велӧтіссез. Сія мавтӧмыс тіянӧс быдӧсӧ велӧтӧ. Сія и эм бӧбӧтчытӧг быляс велӧтісьыс. Кыдз сія тіянӧс велӧтіс, сідз и олӧ Кристоскӧт ӧтлаасьӧмӧн.

1 Иоан 2:20

Тіянӧс Вежаыс мавтіс, и тійӧ быдӧс тӧдат.

Иоан 12:49

Ме эг баит Ассяням. Менӧ ыстісь Айӧ тшӧктіс, мый да кыдз висьтавны.

1 Иоан 4:6

А мийӧ Еныссянь. Енсӧ тӧдіссес миянӧс кывзӧны. Абу кӧ кин Енсянь, сія оз кывзы миянӧс. Сы сьӧрті позьӧ тӧдны быльыслісь ловсӧ да ылӧтлісьыслісь ловсӧ.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Осьтӧм 1:19

Гиж, мый адззылін, мый эм да мый лоас сэсся.

Иоан 8:38

Ме тіянлӧ баита сы йылісь, мый Меным мыччаліс Айӧ. А тійӧ керат сійӧ, мый тіянлӧ висьталіс айныт».

2 Фессалоникаын оліссезлӧ 2:3

Ась некин тіянӧс немӧн оз ылӧт. Кристослӧн локтан Лунӧдз отирыс ылаласӧ, бергӧтчасӧ Еныс дынісь, и локтас умӧль керӧмнас тырӧм морт, кулӧмас мунісь.

Осьтӧм 1:1

Эта гижӧтын Еныслӧн Кристос Исуслӧ осьтӧмыс. Кристосыслӧ коліс мыччавны Аслас раббезлӧ, мый чожа лоас. Кристосыс Ассис ангелсӧ ыстӧм мыччавны сійӧ осьтӧмсӧ Аслас Иоан раблӧ.

2 Фессалоникаын оліссезлӧ 2:12

Быдӧннысӧ, кӧдна эзӧ веритӧ быльыслӧ, а радейтӧны бӧбӧтӧмсӧ, Еныс судитас.

Ап. керӧммез 27:24

Ангелыс висьталіс: Павел, эн пов! Тэныт колӧ сувтны Римын ӧксу одзӧ. Тэ понда Еныс видзас и тэкӧт уйиссесӧ.

Ап. керӧммез 20:23

Вежа Лолыс тай быд карын висьталӧ: пуксьӧтӧм да пессьӧм-мырсьӧм пӧ видзчисьӧ менӧ.

Иоан 3:32

Мый Сія адззыліс да кыліс, сы йылісь и висьтасьӧ. Но отирыс Сылісь висьталӧмсӧ озӧ кывзӧ.

Ап. керӧммез 11:28

Ны коласісь Агав нима морт чеччис. Лов ӧзйӧтӧмсянь сія юӧртіс, му вылӧ пӧ локтас тшыгьялан кад. Сія тшыгьялӧмыс и лоис Клавдий ӧксулӧн юралӧм коста.

Иоан 16:12

Уна мый верма тіянлӧ висьтавны, но ӧні тійӧ сійӧ одӧ вермӧ пыртны юраныт.

Еврейезлӧ 1:1

Унаись да быднёж миян айезлӧ важынсянь ни Еныс баитлӧм Аслас юӧртіссез пыр.

1 Иоан 5:6

Кристос Исусыс локтіс ваӧн, вирӧн да Лолӧн. Эз лок ӧтік ваӧн, локтіс ваӧн да вирӧн. Сы йылісь висьталӧ Лолыс, а Лолыс ─ быльыс.