Иоан 16:11 - Бур Юӧр 2019

¹¹ Висьталас суд йылісь, эта му вылын ыждалісьыс эд судитӧм ни.

Иоан 16:11 Mawu Ofanana

Матвей 12:18

─ То Менам Зонӧ, сьӧлӧмшӧрӧ Менам, олан гажӧ, Сійӧ Ме бӧрйи. Ме сета Сылӧ Ассим Лолӧс. Менчим веськыта судитӧмӧс Сія юӧртас уна отирлӧ.

Матвей 12:36

Висьтала тіянлӧ: быд ковтӧмсӧ баитӧм понда Суд Лунӧ ковсяс кыв видзны.

Лука 10:18

Исусыс висьталіс нылӧ: «Ме адззылі енӧжсис сотанаыслісь чарньӧв моз усьӧмсӧ.

Иоан 12:31

Ӧні локтіс суд эта му вылісь отир вылӧ. Ӧні эта му вылын ыждалісьсӧ вашӧтасӧ.

Иоан 14:30

Меным баитны тіянкӧт кадыс кольччис етша ни. Локтӧ эта му вылын ыждалісьыс, но Ме дорӧдз сылӧн выныс абу.

Иоан 16:12

Уна мый верма тіянлӧ висьтавны, но ӧні тійӧ сійӧ одӧ вермӧ пыртны юраныт.

Ап. керӧммез 10:42

Сія миянлӧ тшӧктіс отирыслӧ висьтасьны адззылӧм-тӧдӧмнымӧс да юӧртны: Еныс Сійӧ сувтӧтӧм ловьяэсӧ кулӧммескӧт Судитісьӧн.

Ап. керӧммез 24:25

Павелыс баитіс Ен сьӧрті веськыта олӧм йылісь, мортлӧн видзсьыны кужӧм йылісь да локтан суд йылісь. Кылӧмсяняс Феликссӧ полӧм кутіс. Сія висьталіс: «Ӧні мун. Лоас кӧ менам кад, ме тэнӧ кора».

Ап. керӧммез 26:18

Тэ осьтан нылісь синнэзнысӧ. Велӧтан нійӧ пемытсис бергӧтчыны югытас, сотанаыс кипод увтісь ─ Ен дынӧ, медбы пондісӧ Меным веритны. Сэк веритӧмныс понда нылӧн умӧль керӧммезныс лоасӧ проститӧмӧсь. Нія лоасӧ ӧтлаын Енлӧн вежа отиркӧт".

Римын оліссезлӧ 16:20

Лӧньсӧ сетісь Еныс чожа уськӧтас сотанасӧ тіян коккез увтӧ. Миян Дӧсвидзись Кристос Исуслӧн бурсетӧмыс тіянкӧт! Аминь.

Римын оліссезлӧ 2:16

Но лоас лун, кӧр Кристос Исус отсӧтӧн Еныс пондас судитны отирсӧ гусьӧна керӧммезныс понда. Эта йылісь ме баитлі Бур Юӧрсӧ висьтасьӧмӧ коста.

1 Коринфын оліссезлӧ 4:5

Сійӧн Дӧсвидзисьыс локтытӧдз мортсӧ эд осудитӧ. Пемытінас сайӧвтӧмсӧ Сія петкӧтас, морт сьӧлӧмын видзӧмсӧ осьтас. Сэк Еныс быд мортлӧ сетас сэтшӧм ошкӧм, кытшӧм колӧ.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

Ефесын оліссезлӧ 2:2

Тійӧ оліт эта му вылын керсьӧм сьӧрті: енӧж увтас ыждалісь кульыс сьӧрті керит, сійӧ кывзісит. Сія сэрпӧсь лолыс ӧні керӧ ассис уджсӧ ны пыр, кӧдна озӧ кывзісьӧ Енсӧ.

Колосын оліссезлӧ 2:15

Кристос отсӧтӧн Еныс вермис юралісь-веськӧтліссесӧ. Мырддис выннысӧ, быдӧнныс одзын уськӧтіс нійӧ рожа кулянӧдззас.

Еврейезлӧ 2:14

Челядьыслӧн эм вир-яйись вывтыр. Сійӧн Исусыс лоис ны кодь. Сылӧ ковсис Аслас кулӧмӧн орӧтны вынсӧ кульыслісь, кӧда веськӧтлӧ кулӧмнас.

Еврейезлӧ 6:2

Огӧ пондӧ мӧдпӧв баитны пыртчӧм йылісь, киэз пуктылӧм йылісь, кулӧммезісь ловзьӧм йылісь, суд вылын пыр кежӧ мыжйӧм йылісь.

Еврейезлӧ 9:27

Мортыс ӧтпыр кулӧ, сэсся сюрӧ суд вылӧ.

2 Петра 3:7

А ӧнняся енӧжыс да муыс видзсьӧны сія жӧ Кылӧн. Еныс нійӧ видзӧ, медбы сотны биын Суд Лунӧ. Сія лунӧ Ентӧг оліссесӧ изводаласӧ.

1 Иоан 3:8

Умӧльсӧ керисьыс кульсянь. Медодз кадсянь ӧнӧдз сія керӧ умӧльсӧ. А Ен Зон локтіс, медбы разьны сылісь уджсӧ.

Осьтӧм 1:7

─ То, Сія локтӧ кымӧррез вылын, быдыс казялас Сійӧ аслас синнэзӧн. Казяласӧ и Сійӧ бытшкиссес. Му вывсис быдӧс увтыррес Сы одзын бӧрдны-горзыны пондасӧ. Сідз быдӧс и лоас! Аминь.