Иоан 15:8 - Бур Юӧр 2019

⁸ Лоат кӧ Менам велӧтчиссезӧн да ваят уна воӧмсӧ, сы понда ошкасӧ Менчим Айӧс.

Иоан 15:8 Mawu Ofanana

Матвей 5:16

Сідз и тіян югытныт ась югдӧтӧ. Отирыс ась адззӧны тіянлісь бурсӧ керӧмнытӧ да ошкӧны енӧжись Айнытӧ».

Матвей 5:44

А Ме тіянлӧ висьтала: Тіян вылӧ лэбтісиссесӧ радейтӧ. Бласлӧвитӧ тіянӧс ёрдіссесӧ. Кӧдна синӧн озӧ вермӧ видзӧтны тіян вылӧ, нылӧ бурӧ керӧ. Енлӧ кеймӧ тіянӧс дзерӧтліссез да вашӧтліссез понда.

Матвей 9:8

Быдӧс этӧ адззылӧмсянь отирыс повзисӧ да ошкисӧ Енсӧ, Кӧда сетіс отирлӧ сэтшӧм ыджыт вын.

Лука 6:35

А тійӧ радейтӧ тіян вылӧ лэбтісиссесӧ, отсалӧ, одзӧсӧн сеталӧ, нем эд видзчисьӧ нысянь. Сэк лоас тіянлӧ ыджыт козин. Тійӧ Медвылісьыслӧ лоатӧ челядьӧн. Сія эд небыт сьӧлӧма и честь тӧдтӧммескӧт да лӧггескӧт.

Иоан 13:35

Пондат кӧ радейтны ӧтамӧднытӧ, сы сьӧрті быдӧнныс пондасӧ тӧдны: тійӧ велӧтчиссес Менам».

Иоан 15:5

Ме ─ виноград пу, Тійӧ ─ уввез. Кин олӧ Ме пытшкын, а Ме сы пытшкын, сія вайӧ уна воӧмсӧ. Метӧг тійӧ нем одӧ вермӧ керны.

Иоан 8:31

Сэк Исусыс висьталіс Сылӧ веритісь иудейеслӧ: «Пондат кӧ овны Менам кыв сьӧрті, сэк тійӧ былись Менам велӧтчиссез.

1 Коринфын оліссезлӧ 10:31

Сідзкӧ, сёят, юат я, мыйкӧ мӧдікӧ я керат, ─ быдӧс керӧ Енсӧ ошкӧм могись.

1 Коринфын оліссезлӧ 6:20

Тіянӧс небӧм понда уна сетӧм. Сійӧн асланыт лолӧн, вывтырӧн вайӧ Еныслӧ ошкӧмсӧ. Тійӧ эд быдсӧн Еныслӧн.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Титлӧ 2:10

Ась озӧ гусясьӧ, а быдӧсын мыччалӧны асьнысӧ надейнӧй отирӧн. Ны вылӧ видзӧттӧн отирыс ась адззӧны, кытшӧм бур велӧтӧмыс миян Мездӧтісь Енлӧн.

Титлӧ 2:5

Ась велӧтӧны нійӧ лоны вежӧраэзӧн да сӧстӧммезӧн, медбы тӧждісисӧ гортныс понда, вӧлісӧ небыт сьӧлӧмаӧсь да кывзісисӧ жӧниккезнысӧ. Сэк Енлӧн Кыв йылісь озӧ висьталӧ умӧльсӧ.

1 Петра 2:12

Енсӧ тӧдтӧммес тіянӧс видӧны лёк кериссезӧс моз. Ны коласын овтӧн керӧ нылӧ бурсӧ. Нія пондасӧ адззыны нылӧ бурсӧ керӧмнытӧ да ошкасӧ Енсӧ Сылӧн локтан Лунӧ.

1 Петра 4:11

Кин баитӧ, ась баитӧ Енлӧн сетӧм кыввезӧн. Кин мый керӧ, ась керӧ Енсянь сетӧм вынӧн. Кристос Исус пыр быдӧсісь ась петӧ ошкӧмыс Енлӧ. Сылӧн эд югьялӧмыс да юралӧмыс пырся-пыр. Аминь.