Иоан 15:7 - Бур Юӧр 2019

⁷ Пондат кӧ овны Ме пытшкын да Менчим кыввезӧс пондат кӧ видзны сьӧлӧманыт, сэк корӧ, мый колӧ, и тіянлӧ лоас сетӧм.

Иоан 15:7 Mawu Ofanana

Матвей 7:7

Корӧ, тіянлӧ сетасӧ. Кошшӧ, и адззат. Ёркӧтӧ, тіянлӧ осьтасӧ.

Иоан 14:13

Коратӧ кӧ мый Айӧлісь Менам нимӧн, Ме сійӧ кера, медбы отирыс ошкисӧ Айсӧ Зоныс понда.

Иоан 15:16

Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Иоан 16:23

Сія лунӧ тійӧ Менчим нем ни одӧ юалӧ. Тіянлӧ быльсӧ веськыта висьтала: Айӧлісь мый корат Менам нимӧн, Сія сетас тіянлӧ.

Иоан 8:31

Сэк Исусыс висьталіс Сылӧ веритісь иудейеслӧ: «Пондат кӧ овны Менам кыв сьӧрті, сэк тійӧ былись Менам велӧтчиссез.

Иоан 8:37

Ме тӧда: тійӧ Авраамлӧн увтыр. Но мӧдат тай Менӧ вийны, Менам кыввезӧ озӧ тӧрӧ сьӧлӧманыт да.

Галатияын оліссезлӧ 4:2

Айыслӧн сувтӧтӧм кадӧдз зонкаыс сьӧрын видзӧтӧны быдтісь-велӧтіссез да керкуын веськӧтліссез.

Галатияын оліссезлӧ 5:16

Ме тіянлӧ висьтала: олӧ Енлӧн Лов сьӧрті. Сэк тійӧ одӧ пондӧ керны вывтырныт ӧзйӧтчӧм сьӧрті.

Колосын оліссезлӧ 3:16

Кристослӧн кылыс ась тыртӧ тіянӧс. Быдсӧн мывкыднаныт велӧтӧ, вежӧрсьӧтӧ ӧтамӧднытӧ Енсӧ ошкан кыввезӧн, сьыланкыввезӧн, Ловсянь сетӧм сьылӧтаннэзӧн. Енлӧн бурсетӧм понда сьӧлӧмсянь ошкӧ-сьылӧтӧ Дӧсвидзисьсӧ.

1 Иоан 2:14

Ме гижи тіянлӧ, айез. Тійӧ эд пондіт тӧдны Сійӧ, Кӧда пыр вӧлі. Ме гижи тіянлӧ, зонкаэз. Тійӧ эд вынаӧсь. Еныслӧн кылыс олӧ тіян пытшкын. Тійӧ вермит ылӧтлісьсӧ.

1 Иоан 2:27

Кристосыслӧн мавтӧмыс тіян пытшкын. Сійӧн тіянлӧ озӧ колӧ мӧдік велӧтіссез. Сія мавтӧмыс тіянӧс быдӧсӧ велӧтӧ. Сія и эм бӧбӧтчытӧг быляс велӧтісьыс. Кыдз сія тіянӧс велӧтіс, сідз и олӧ Кристоскӧт ӧтлаасьӧмӧн.

1 Иоан 3:22

И быдӧс, мый корам Еныслісь, Сія миянлӧ сетас. Мийӧ эд олам Сы тшӧктӧммез сьӧрті, Сы сьӧлӧм сьӧрті керам бурсӧ.

1 Иоан 5:14

Мийӧ вермам повтӧг локны Сы одзӧ. Мый мийӧ корамӧ, Сія кывзӧ, корӧмным кӧ Сы сьӧрті.