Иоан 15:5 - Бур Юӧр 2019

⁵ Ме ─ виноград пу, Тійӧ ─ уввез. Кин олӧ Ме пытшкын, а Ме сы пытшкын, сія вайӧ уна воӧмсӧ. Метӧг тійӧ нем одӧ вермӧ керны.

Иоан 15:5 Mawu Ofanana

Филипын оліссезлӧ 4:13

Кристос Исусыскӧт ме быдӧс верма, Сія менӧ вынсьӧтӧ да.

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

Иоан 15:16

Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

2 Коринфын оліссезлӧ 13:8

Енлӧн быльлӧ паныт сувтны мийӧ вынтӧмӧсь, а вынаӧсь быльсӧ дорйыны.

Иоан 5:19

Сэтчӧ Исусыс шуис: «Тіянлӧ быльсӧ веськыта висьтала: Зон нем оз вермы керны Ассяняс, оз кӧ адззыв Айыслісь керӧмсӧ. Айыс моз керӧ и Зоныс.

Яков 1:17

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

Иоан 12:24

Тіянлӧ быльсӧ веськыта висьтала: оз кӧ кув муӧ кӧдзӧм шогді тусьыс, то кольччас ӧтнас, кулас кӧ, сэк сетас уна тусь.

Римын оліссезлӧ 7:4

Воннэзӧ, сідз и тійӧ: Кристослӧн вывтырӧ ӧтлаасит да Сыкӧт куліт. Сійӧн мезмит Туйдӧтыс вын увтісь. Ӧні тійӧ Мӧдіклӧн, кулӧмись Ловзьӧмлӧн, медбы вайны Еныслӧ бур воӧм.

Филипын оліссезлӧ 1:11

Кристос Исус отсӧтӧн Ен сьӧрті веськыта олӧмсяняныт ась лоас уна бур керӧмныт. Отирыс ась лэбтӧны-ошкӧны Енсӧ бурсӧ керӧмныт понда ─ Енлӧ бур воӧмсӧ вайӧмныт понда.

Иоан 9:33

Эз бы вӧв Сія Енсянь, сэк нем бы эз вермы керны».

Филипын оліссезлӧ 4:17

Этадз ог баит сы понда, жыв видзчися тіянсянь козиннэз. Меным колӧ, медбы керӧмсяняныт тіянлӧ бурыс локтіс.

Римын оліссезлӧ 6:22

Ӧні тійӧ мезмит умӧль керӧмыслӧн домӧттэзісь, лоит Енлӧн раббез. Тіян бур воӧмныт ─ вежа олан. А вежа олансянь ─ пырся олан.

Ап. керӧммез 4:12

Енӧж увтас отирыслӧ абу сетӧм мӧдік ним, кӧда пыр миянлӧ позьӧ мезмыны».

1 Коринфын оліссезлӧ 12:12

Видзӧтны кӧ мортлісь вывтырсӧ, сэтӧн уна быдпӧлӧс торыс. Нія унаыс ӧтік вывтырӧ йитӧмӧсь. Сідз позьӧ висьтавны и Кристосыс йылісь.

1 Петра 2:4

Сія ─ ловья из. Отирыс тай Сійӧ абутӧм туйӧ пуктісӧ, а Сія Еныслӧн бӧрйӧмыс, донася-донаыс. Локтӧ Сы дынӧ.

1 Коринфын оліссезлӧ 12:27

Сідз и тійӧ, ӧтлаын ─ Кристослӧн вывтыр. Быдныт ─ Кристос вывтырись тор.

Ефесын оліссезлӧ 5:9

Лолыслӧн воӧмыс ─ быдпӧлӧс бурсӧ керӧм, Ен сьӧрті веськыта олӧм да быль.

2 Коринфын оліссезлӧ 9:10

Кӧдзисьыслӧ кӧдзыссӧ да сёян няньсӧ Сетісьыс сетас кӧдзыссӧ и тіянлӧ. Быдтас тіянлісь кӧдзӧмнытӧ да Ен сьӧрті веськыта олӧмнытлісь воӧмсӧ унапӧв содтас.

Колосын оліссезлӧ 1:6

Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.

Римын оліссезлӧ 12:5

Сідз и мийӧ Кристоскӧт ӧтлаасим ӧтік вывтырӧ. Ӧтамӧдлӧ мийӧ ӧтік вывтырлӧн торрез.

1 Коринфын оліссезлӧ 10:16

Мийӧ дари доз дорын ошкам Енсӧ. Сэтісь юыштӧм коста мийӧ огӧ разь ӧтлаасьӧ Кристослӧн Виркӧт? Няньсӧ чеглалӧм коста огӧ разь ӧтлаасьӧ Кристослӧн Вывтыркӧт?

Матвей 13:21

Но сія вуджтӧм, сійӧн оз дыр верит. Кӧр локтӧ сьӧкыт кад да Ен Кыв понда вашӧтлӧм, сія дугдӧ веритны.