Иоан 15:25 - Бур Юӧр 2019

²⁵ Керсьӧ Туйдӧтаныс висьталӧм сьӧрті: "Ме нем умӧльсӧ эг кер, но нылӧ син вылӧ ог ков".

Иоан 15:25 Mawu Ofanana

Лука 24:44

Нылӧ висьталіс: «Ӧні керсис сія, мый Ме баитлі, кӧр вӧлі тіянкӧт. Ме йылісь мый гижӧм Моисейлӧн Туйдӧтын, Енсянь юӧртіссез гижӧттэзын да псаломмезын, сія, мыся, быдӧс керсяс».

2 Коринфын оліссезлӧ 11:7

Тіянӧс лэбтӧм понда ме ачымӧс лэдзи. Еныслісь Бур Юӧрсӧ тіянлӧ висьтасьӧм понда ме сьӧм эг босьтлы. Умӧльӧ я ме кери?

Осьтӧм 21:6

Сыбӧрын Сія висьталіс меным: «Быдӧс керсис! Ме ─ Альфа да Омега, Пондӧтісь да Пӧдналісь. Кинлӧн косьмӧ горшныс, Ме нылӧ козьнала васӧ ловья ва визывтанінсис.

Осьтӧм 22:17

Лолыс да невестаыс шуӧны: «Лок!» Кылісьыс ась висьталӧ: «Лок!» Кинлӧн косьмӧ горшыс ─ ась локтӧ. Кинлӧ колӧ, ась вештісьтӧг босьтӧ олан васӧ.

2 Фессалоникаын оліссезлӧ 3:8

Некинлісь весь эгӧ сёйӧ няньсӧ. Ой и лун садь быртӧдз уджалім, медбы некинлӧ эз вӧв сьӧкыт миянсянь.

Галатияын оліссезлӧ 2:21

Еныслісь бурсетӧмсӧ ог пукты абутӧм туйӧ. А мортсӧ кӧбы позис керны Ен сьӧрті веськыта олісьӧн Туйдӧт сьӧрті олӧм понда, сэк весись куліс Кристосыс.

Римын оліссезлӧ 3:24

Но Енлӧн бурсетӧмсянь отирыс лоасӧ Ен сьӧрті веськыта оліссезӧн. Нылӧ сы понда оз ков вештісьны. Кристос Исусыс эд быд морт туйӧ вештісис Аслас оланӧн.

Римын оліссезлӧ 3:19

Мийӧ тӧдам: Туйдӧтас тшӧктӧммес висьталӧмась Туйдӧтыс кипод увтын оліссезлӧ. Отирыс сэтісь тӧдӧны, Еныс пондас бӧрйисьны быдӧнныскӧт. Сысянь быд ӧм пӧднассьӧ.

Иоан 10:34

Исусыс шуис нылӧ: «Тіян Туйдӧтын абу разь гижӧм: "Ме висьталі: тійӧ ─ еннэз".

Иоан 19:36

Лоис Вежа Гижӧтын висьталӧм сьӧрті: «Сылӧн лыыс оз ло чегӧм».

Матвей 10:8

Шогаліссесӧ веськӧтӧ, проказаӧссесӧ сӧстӧмтӧ, кулӧммесӧ ловзьӧтӧ, сэрпӧсь ловвесӧ вашӧтлӧ. Тійӧ весь босьтіт, весь и сеталӧ.

Иоан 13:18

Ог висьтав быдӧнныт йылісь. Ме тӧда Ассим бӧрйӧммесӧ. Но ась лоас Вежа Гижӧтас висьталӧм сьӧрті: "Мекӧт няньсӧ сёйисьыс лэбтісис Ме вылӧ".