Иоан 15:24 - Бур Юӧр 2019

²⁴ Ме ны син одзын кери сійӧ, мый некин одзжык эз керлы. Керӧммезӧс нія эзӧ бы адззылӧ, сэк нія эзӧ бы вӧлӧ умӧль кериссез. А нія адззылісӧ, но Ме и Менам Айӧ нылӧ син вылӧ огӧ колӧ.

Иоан 15:24 Mawu Ofanana

Иоан 14:9

Исусыс шуис сылӧ: «Филип, сы дырна Ме тіянкӧт, и тэ он тӧд Менӧ! Кин адззыліс Менӧ, сія адззыліс Айӧс. Мыля нӧ тэ баитан, мыччав пӧ миянлӧ Айтӧ?

Иоан 5:36

Ме йылісь висьталӧмыс Иоанлӧн висьталӧмся вынажык. Ме кера Айӧлісь сетӧм уджсӧ. Менам керӧмӧ мыччалӧ: Менӧ ыстіс Айӧ.

Иоан 10:37

Ме ог кӧ кер Айӧлісь уджсӧ, сэк Меным эд и веритӧ.

Иоан 10:32

Исусыс шуис нылӧ: «Уна бурсӧ Ме кери тіянлӧ Айӧ тшӧктӧм сьӧрті. Кӧда бур керӧм понда мӧдат Менӧ шупкавны иззэзнас?»

Иоан 9:32

Эз на сэтшӧмыс вӧвлы, медбы чужӧмсянь синтӧм мортлӧ кинкӧ осьтіс синнэз.

Иоан 7:31

Уна отир пондісӧ веритны Исусыслӧ. Нія баитісӧ: «Кристос-Мездӧтісьыс локтас да унажык я керас адззывлытӧммесӧ эта Мортся?»

Иоан 3:2

Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен».

Матвей 9:33

Исусыс сы пытшкись сэрпӧсь ловсӧ вашӧтіс и мортыс пондіс баитны. Отирсӧ диво кутіс. Нія пондісӧ баитны, сэтшӧмыс пӧ Израиль муын эз на вӧвлы.

Яков 4:4

Енсӧ колиссез! Одӧ я тӧдӧ, му вылісьыскӧт ёртасьӧмыс ─ Еныс вылӧ лэбтісьӧм. Сідзкӧ, тійӧ кӧ ёртасит му вылісьыскӧт, сэк тійӧ Еныс вылӧ лэбтісит.

2 Тимофейлӧ 3:4

ӧта-мӧднысӧ вузалӧны, нійӧ нем оз видз, нырнысӧ лэбталӧны. Енӧсся буржыка нія пондасӧ радейтны чӧскыта олӧмсӧ,

Римын оліссезлӧ 1:30

Нія син сайын морт йылісь умӧля баитӧны, морт вылӧ весись висьтавлӧны, Ен йылісь пельӧн бы озӧ кылӧ, отирыс вылын ыждалӧны. Нія асьнысӧ ошкӧны, вылына пуктӧны, ай-мамӧс озӧ кывзісьӧ, умӧльсӧ быдмоза кужӧны керны.

Ап. керӧммез 10:38

Еныс Вежа Лолӧн да вынӧн мавтӧмӧн сувтӧтіс Назаретісь Исуссӧ. Ветлӧтікас Сія отирыслӧ керис уна бурсӧ: веськӧтліс да мездӧтліс кульыс кипод увтісь быдӧннысӧ, кӧдна сысянь пессисӧ-мырсисӧ. Сыкӧт эд вӧлі Еныс.

Ап. керӧммез 2:22

«Израиль отир! Кывзӧ этнӧ кыввесӧ! Назаретісь Исуссӧ Ачыс Еныс ыстӧм вӧлі тіянлӧ. Асьныт эд тӧдат: Аслас Ыстӧм йылісь тіянлӧ висьталӧм могись Еныс Сы пыр мыччавліс вына адззывлытӧм керӧммез да ыджыт пассэз.

Иоан 12:45

Ме вылӧ видзӧтісьыс адззӧ Менӧ Ыстісьсӧ.

Иоан 6:36

Ме тіянлӧ висьтавлі ни: тійӧ и адззыліт Менӧ, да одӧ Меным веритӧ.

Лука 24:19

Исусыс юаліс: «Мый йылісь?» Мӧддэс Сылӧ висьталісӧ: «Мый лоис Назаретісь Исускӧт. Сія эд вӧлі Енсянь юӧртісь. Керӧмнас да кывнас Ен одзын да отир одзын Сія вӧлі вына.

Марк 2:12

Мӧдыс чеччис, сэк жӧ босьтіс ольпасьсӧ да быдӧнныс син одзын петіс. Быдӧннысӧ диво кутіс. Нія ошкисӧ Енсӧ да шувлісӧ: «Некӧр эттшӧмсӧ мийӧ эгӧ адззывлӧ».

Матвей 21:32

Иоан локтіс тіянлӧ мыччавны Ен дынӧ туй. Тійӧ сылӧ эдӧ веритӧ. Лэдзчисьӧм инькаэс да вот ӧктіссес сылӧ веритісӧ. Нельки сійӧ быдӧс адззылӧм бӧрын тійӧ эдӧ бергӧтчӧ умӧльсӧ керӧммезныт дынісь да эдӧ веритӧ сылӧ».

Матвей 11:5

─ Синтӧммез адззӧны, чотіссез ветлӧтӧны, проказаӧн шогаліссез сӧстӧммӧны, пельтӧммез кылӧны, кулӧммез ловзьӧны, кориссезлӧ Бур Юӧр висьтасьӧны.

Иоан 12:10

Аркирейес лӧсьӧтчисӧ вийны и Лазарсӧ,

Иоан 9:41

Исусыс висьталіс нылӧ: «Вӧліт бы тійӧ синтӧмӧсь, сэк эз бы вӧв тіян вылын умӧль керӧмыс. Но тійӧ шуат: адззам пӧ, сідзкӧ, тіян вылын умӧль керӧмныт кольччӧ».

Иоан 15:21

Быдӧс сійӧ тіянлӧ керасӧ Менам ним понда сійӧн, мыля озӧ тӧдӧ Сійӧ, Кин Менӧ ыстіс.

Иоан 15:22

Ме эг кӧбы лок да баит нылӧ, сэк нылӧн эз бы вӧв умӧль керӧмныс. Ӧні нія озӧ вермӧ висьтавны, эзӧ пӧ керӧ умӧльсӧ.

Иоан 15:23

Кинлӧ Ме син вылӧ ог ков, сылӧ и Айӧ син вылас оз ков.

Иоан 16:9

Висьталас умӧль керӧмныс йылісь, мыля озӧ веритӧ Меным.