Иоан 15:20 - Бур Юӧр 2019

²⁰ Видзӧ юраныт Менчим висьталӧмӧс: раб абу ыджытжык аслас кӧзяинся. Менӧ кӧ вашӧтлісӧ, пондасӧ вашӧтлыны и тіянӧс. Керисӧ кӧ Менам висьталӧм кыв сьӧрті, пондасӧ керны и тіян кыв сьӧрті.

Иоан 15:20 Mawu Ofanana

Матвей 10:24

Велӧтчись велӧтісься абу сувтӧтӧм вылынжыка, сідз и кысъялісь аслас кӧзяинся.

Марк 10:39

Нія шуисӧ: «Вермам». Исусыс висьталіс нылӧ: «Дозсис, кӧдаись Ме юа, и тійӧ пондат юны, да и Менам пыртчӧмӧн пыртчат.

Лука 2:34

Симеоныс нійӧ бласлӧвитіс. Исуслӧн Мария Мамлӧ висьталіс: «Эта кага кузя Израильын унаэз усясӧ, унаэз лэбтісясӧ. Сія Енсянь сетӧм пас. Сы кузя етшасьны пондасӧ.

Лука 6:40

Оз овлы, медбы велӧтчисьыс вӧлі пуктӧм велӧтісься вылынжыка. Быдыс лоас аслас велӧтісь кодь дзир велӧтчӧм бӧрын.

Иоан 10:31

Сэк иудейес бӧра босьтісӧ иззэз, медбы нійӧн шупкавны Исуссӧ.

Иоан 11:57

Аркирейес фарисейескӧт отирыслӧ тшӧктісӧ юӧртны, кин пондас кӧ тӧдны, кытӧн Сія, медбы висьталісӧ. Сідз мӧдісӧ кутны Исуссӧ.

Иоан 13:16

Тіянлӧ быльсӧ веськыта висьтала: раб абу ыджытжык аслас кӧзяинся, ыстӧмыс абу ыджытжык сійӧ ыстісься.

Иоан 5:16

Сэк иудейес шоччисян лунӧ сэтшӧмсӧ керӧм понда Исуссӧ пондісӧ дзескӧтны. Нія Сійӧ мӧдісӧ вийны.

Иоан 7:32

Отирыслӧн Исусыс йылісь сідз баитӧмныс кывсис фарисейеслӧ. Сэк фарисейес аркирейескӧт ыстісӧ Вежа Керку сьӧрын видзӧтіссесӧ кутны Сійӧ.

Иоан 8:51

Тіянлӧ быльсӧ веськыта висьтала: Менам кыв сьӧрті олісьыс некӧр оз кув».

Иоан 8:52

Иудейес Сылӧ висьталісӧ: «Ӧні мийӧ тӧдамӧ, Тэ пытшкын сэрпӧсь лов. Авраамыс куліс, Енсянь юӧртіссес кулісӧ. Тэ тай баитан: "Менам кыв сьӧрті олісьыс некӧр оз кув".

Иоан 8:59

Сэк нія босьтісӧ иззэз да мӧдісӧ Сійӧ шупкавны, но Исусыс сайӧвтчис да петіс Вежа Керкусис. Сія муніс иудейес коласӧт да иньдӧтчис одзлань.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

1 Коринфын оліссезлӧ 4:12

Мийӧ уджалам, асланым киэзӧн шедтам няньсӧ. Миян йылісь умӧля баитӧны, а мийӧ бласлӧвитам. Миянӧс вашӧтлӧны, а мийӧ шы огӧ сетӧ.

2 Коринфын оліссезлӧ 4:9

Миянӧс вашӧтлӧны, а Еныс миянӧс оз коль. Кок йылісь уськӧтӧны, а мийӧ огӧ кулӧ.

1 Фессалоникаын оліссезлӧ 2:15

Иудейес вийисӧ Дӧсвидзись Исуссӧ да Сылісь юӧртіссесӧ, а миянӧс вашӧтісӧ. Нія Енсӧ лӧгӧтлӧны да и быд мортлӧ паныт лэбтісьӧны.

2 Тимофейлӧ 3:12

Быдӧннысӧ, кӧдна мӧдӧны овны Енлӧ юрбитӧмӧн да Кристос Исускӧт ӧтлаасьӧмӧн, пондасӧ вашӧтлыны.