Иоан 15:16 - Бур Юӧр 2019

¹⁶ Тійӧ эдӧ бӧрйӧ Менӧ, Ме бӧрйи тіянӧс. Ме сувтӧті тіянӧс да иньді вайны воӧм. Тіян воӧмныт ась пыр олӧ. Сідз кӧ пондат керны, сэк Менам нимӧн мый корат, Айӧ сетас тіянлӧ.

Иоан 15:16 Mawu Ofanana

Матвей 21:22

Мый корат кеймиканыт веритӧмӧн, босьтатӧ».

Матвей 7:7

Корӧ, тіянлӧ сетасӧ. Кошшӧ, и адззат. Ёркӧтӧ, тіянлӧ осьтасӧ.

Лука 6:13

Луннас Сія дынас корис Ассис велӧтчиссесӧ. Ны коласісь бӧрйис даскык мортӧс, кӧднӧ пондіс шуны апостоллэзӧн.

Иоан 13:18

Ог висьтав быдӧнныт йылісь. Ме тӧда Ассим бӧрйӧммесӧ. Но ась лоас Вежа Гижӧтас висьталӧм сьӧрті: "Мекӧт няньсӧ сёйисьыс лэбтісис Ме вылӧ".

Иоан 15:19

Вӧліт бы тійӧ ны коласісь, сэк нія радейтісӧ бы тіянӧс. Тійӧ эд абу ны коласісь, Ме бӧрйи тіянӧс ны дынісь. Сійӧн тійӧ отирыслӧ син вылӧ одӧ колӧ.

Иоан 15:5

Ме ─ виноград пу, Тійӧ ─ уввез. Кин олӧ Ме пытшкын, а Ме сы пытшкын, сія вайӧ уна воӧмсӧ. Метӧг тійӧ нем одӧ вермӧ керны.

Иоан 6:70

Исусыс сэтчӧ шуис: «Ме Ачым тіянӧс даскыкӧ бӧрйи, но ӧтікыс тіян коласісь куль».

Ап. керӧммез 1:24

Кеймиканыс висьталісӧ: «Дӧсвидзись, Тэ тӧдан быд сьӧлӧм. Кыкыс коласісь мыччав бӧрйӧмтӧ.

Ап. керӧммез 1:8

Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».

Ап. керӧммез 10:41

Но Сія эз мыччась быдӧнныслӧ, а дзир бӧрйӧммеслӧ. Еныс тай бӧрйӧм вӧлі миянӧс. Мийӧ Сійӧ адззылім асланым синнэзӧн. Исуслӧн ловзьӧм бӧрын мийӧ Сыкӧт сёйим да юим.

Ап. керӧммез 22:14

Ананийыс меным висьталіс: "Миян айезлӧн Ен бӧрйӧм тэнӧ, медбы вежӧртін, мый Сылӧ колӧ, адззылін Веськыта Олісьсӧ да кылін Сы ӧмись баитӧмсӧ.

Ап. керӧммез 9:15

Дӧсвидзисьыс сылӧ висьталіс: «Мун. Сія Менам бӧрйӧм морт. Сія пондас висьтасьны Менам ним йылісь быдпӧлӧс отирлӧ, ӧксуэзлӧ да и Израиль отирлӧ.

Римын оліссезлӧ 1:13

Висьтала тіянлӧ: ме унаись лӧсьӧтчывлі локны тіян дынӧ, но ӧнӧдз менӧ пыр мыйкӧ падмӧтлывліс. Ме и тіян дынын мӧда адззыны велӧтӧмсим бур воӧмсӧ мӧдік отирын моз.

Римын оліссезлӧ 1:5

Кристос пыр Еныс сетіс миянлӧ бурсетӧмсӧ да апостоллісь уджсӧ: мийӧ Кристос нимӧн быд кыв вылын баитісь йӧзсӧ вайӧтам веритӧмӧдз да Енсӧ кывзісьӧмӧдз.

Римын оліссезлӧ 15:4

Одзза каддэзӧ быдӧс гижӧмыс вӧлі гижӧм, медбы миянӧс велӧтны да бурӧтны. Гижӧтас висьталӧмыс миянӧс вынсьӧтӧ. Сійӧн мийӧ мыла быртӧг надейтчам Ен вылӧ.

Римын оліссезлӧ 9:21

Оз разь вермы гырнич керисьыс сёйсис керны, мый сылӧ колӧ? Ӧтік сёй торсис сія вермӧ керны кык доз: ӧтсӧ ─ бур дона доз, мӧдсӧ ─ пыр видзан доз.

1 Коринфын оліссезлӧ 10:11

Ныкӧт быдӧс лоӧмыс велӧтӧ миянӧс. Сы йылісь гижӧмась, медбы ӧвны миянӧс, медбӧрья кадӧ оліссесӧ.

Галатияын оліссезлӧ 1:15

Еныс тай менӧ бӧрйӧм вӧлі мамӧ кынӧмын ни. Сія корис менӧ Аслас бурсетӧм вынӧн.

Ефесын оліссезлӧ 2:10

Ӧні мийӧ ─ Еныслӧн виль аркмӧтӧм. Кристос Исускӧт ӧтлаасьӧмсянь мийӧ аркмӧтӧмӧсь керны бурсӧ, кӧдӧ Еныс кӧркӧсянь ни вӧлі шуӧм миянлӧ керны.

Колосын оліссезлӧ 1:23

Сійӧн тіянлӧ колӧ ёна сулавны веритӧмас. Бур Юӧрыс сетіс тіянлӧ надеясӧ, сэтісь эд янсалӧ. Тіянлӧ да и енӧж увтас быд олісьӧ сія вӧлі юӧртӧм. Меным, Павеллӧ, Еныс сетіс сійӧ уджсӧ ─ висьтасьны Бур Юӧрсӧ.

Колосын оліссезлӧ 1:6

Эта кылыс локтіс тіян дынӧдз и паськалӧ быдсӧн муыс пасьта. Сія быдлаын керӧ ассис уджсӧ да сетӧ воӧмсӧ. Эта керсьӧ Бур Юӧрсӧ кылӧмныт лунсянь, кӧр тійӧ пондіт тӧдны Енлӧн бурсетӧм йылісь быльсӧ.

1 Тимофейлӧ 2:7

Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

2 Тимофейлӧ 1:11

Ме вӧлі сувтӧтӧм апостолӧн, медбы висьтасьны сійӧ Бур Юӧрсӧ да велӧтны ентӧдтӧммесӧ.

2 Тимофейлӧ 2:2

Ме тэныт баиті уна отир дырни. Месянь кылӧмтӧ висьтась надейнӧй отирлӧ, кӧдна кужӧны и мӧдіккезӧс велӧтны.

Титлӧ 1:5

Ме тэнӧ коли Крит муас пондӧтӧмнымӧс быдӧс керны да быд карын вичкуэзас сувтӧтны веськӧтліссезӧс. Нійӧ коліс сувтӧтны тшӧктӧмӧ сьӧрті.

Еврейезлӧ 11:4

Веритӧмӧн Авельыс вайӧм Еныслӧ езъялан козинсӧ Каинысся буржыкӧ. Веритӧмыс понда Еныс пуктіс сійӧ веськыта олісьӧ да босьтіс сылісь козинсӧ. Веритӧмнас сія и кулӧм бӧрас ӧнӧдз баитӧ.

Яков 3:18

Отирсӧ ӧтамӧдкӧт бурӧтіссес-лӧньсьӧтіссес кӧдзӧны лӧнь оланлісь кӧдзыссӧ. Сэтісь воӧмыс ─ Ен сьӧрті веськыта олӧм.

1 Петра 3:15

Асланыт сьӧлӧммезын Енсӧ лыддьӧ вежа Дӧсвидзисьӧн. Кин юалас кӧ надеяныт йылісь, пыр лоӧ лӧсьӧтчӧмӧсь мортыслӧ висьтавны очакыв. Баитӧ рама видзсьӧмӧн, Енсис полӧмӧн.

1 Петра 3:2

Нія эд пондасӧ адззыны тіянлісь Енісь полӧмӧн сӧстӧма олӧмнытӧ.

1 Иоан 4:10

Енсӧ миян радейтӧмным абу радейтӧм. Былись радейтӧмыс то мыйын: Еныс миянӧс радейтӧ. Сія ыстіс Ассис Зонсӧ вештісьны миян умӧль керӧммез понда.

1 Иоан 4:19

Пондам радейтны Енсӧ, одзжык эд Сія пондіс радейтны миянӧс.