Иоан 14:7 - Бур Юӧр 2019

⁷ Тӧдіт бы тійӧ Менӧ, сэк тӧдіт бы и Менчим Айӧс. Ӧні Сійӧ тӧдат ни, тійӧ эд Сійӧ адззыліт».

Иоан 14:7 Mawu Ofanana

Иоан 8:19

Сэк Исусыслісь юалісӧ: «Кытӧн Тэнат Айыт?» Исусыс висьталіс: «Тійӧ одӧ тӧдӧ Менӧ, одӧ тӧдӧ Менчим Айӧс. Тӧдіт кӧбы Менӧ, сэк тӧдіт бы и Менчим Айӧс».

Лука 10:22

Велӧтчиссеслӧ Сія висьталіс: «Айӧ быдӧс сетіс Меным. Дзир Айыс тӧдӧ, кин Зоныс. Дзир Зоныс тӧдӧ, кин Айыс. Тӧдӧ и сія, кинлӧ Зоныс осьтас».

Иоан 17:8

Тэнчит кывветӧ Ме нылӧ висьталі. Нія кывветӧ босьтісӧ да вежӧртісӧ: Ме былись локті Тэ дынісь. Нія пондісӧ веритны: Тэ Менӧ ыстін.

Иоан 17:6

Ме осьті Тэнчит нимтӧ отирыслӧ, кӧднӧ Тэ сетін Меным му вылас. Нія вӧлісӧ Тэнат, Тэ нійӧ сетін Меным. Нія видзсьӧны Тэнат Кыв бердӧ.

1 Иоан 2:13

Гижа тіянлӧ, айез. Тійӧ пондіт тӧдны Сійӧ, Кӧда одззасянь вӧлі ни. Гижа тіянлӧ, том зоннэз. Тійӧ вермитӧ умӧльсӧ. Гижа тіянлӧ, челядь. Тійӧ пондіт тӧдны Айнытӧ.

Иоан 17:26

Ме велӧті нійӧ тӧдны Тэнӧ и эшӧ велӧта, медбы сэтшӧм радейтӧмыс, кыдз Тэ Менӧ радейтан, вӧлі ны пытшкын, и медбы Ме ны пытшкын олі».

Иоан 17:23

Ме ны пытшкын, Тэ Ме пытшкын. Ась нія быдӧнныс быдӧсын лоӧны ӧтік. Му вылісь отирыс ась пондӧны тӧдны: Тэ ыстін Менӧ, и Тэ радейтан нійӧ Менӧ моз.

Иоан 17:21

Нія ась лоасӧ ӧтлаасьӧмӧсь миян пытшкын, кыдз Тэ, Айӧ, Ме пытшкын, а Ме ─ Тэ пытшкын. Отирыс ась пондӧны веритны: Тэ Менӧ ыстін.

Иоан 16:3

Нія озӧ тӧдӧ Айӧс да Менӧ, сійӧн и пондасӧ сідз керны.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

Иоан 17:3

А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.

Иоан 15:24

Ме ны син одзын кери сійӧ, мый некин одзжык эз керлы. Керӧммезӧс нія эзӧ бы адззылӧ, сэк нія эзӧ бы вӧлӧ умӧль кериссез. А нія адззылісӧ, но Ме и Менам Айӧ нылӧ син вылӧ огӧ колӧ.

Иоан 6:46

Енсянь Локтӧмся Айсӧ некин эз адззыв. Дзир Сія адззыліс Айсӧ.

Иоан 1:18

Енсӧ отирыс некӧр эзӧ адззывлӧ. Сійӧ миянлӧ мыччаліс Айыскӧт ӧтлаын олісь ӧтка Зоныс.

Матвей 11:27

Менам Айӧ быдӧс сетіс Меным. Некин оз тӧд Зонсӧ, тӧдӧ дзир Айыс. Айсӧ некин оз тӧд, дзир Зоныс тӧдӧ. Тӧдӧ и сія, кинлӧ Зоныс осьтас.

Еврейезлӧ 1:3

Зоныс ─ Айыслӧн ошкӧм-югьялӧмыс. Сія быдӧсын Айыс кодь, быдӧс видзӧ Аслас вына кылӧн. Сія сӧстӧмтіс миянӧс умӧль керӧммезсиным да пуксис енӧжас вына Еныскӧт ордчӧн веськыт ладорас.