Иоан 14:3 - Бур Юӧр 2019

³ Муна, лӧсьӧта тіянлӧ оланінсӧ да локта бӧр, босьта тіянӧс дынам.

Иоан 14:3 Mawu Ofanana

Иоан 12:26

Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Иоан 14:28

Тійӧ кылітӧ Менчим висьталӧмӧс: муна тіян дынісь да бӧр локта тіян дынӧ. Радейтіт бы тійӧ Менӧ, сэк гажмит бы Айӧ дынӧ мунӧмӧ кузя. Айӧ эд Месся ыджытжык.

Иоан 14:4

Тійӧ тӧдат, кытчӧ Ме муна, и туйсӧ сэтчин тӧдат».

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Ап. керӧммез 1:11

Нія висьталісӧ: «Галилеяись отир! Мый сулалат да видзӧтат енӧжас? Тійӧ асьныт адззыліт Исусыслісь енӧжӧ лэбтісьӧмсӧ. Сія бӧр локтас сідз жӧ».

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

Филипын оліссезлӧ 1:23

Меным колӧ и ӧтыс, и мӧдыс. Ме му вывсис бы муна ни, медбы овны Кристосыскӧт. Эта меным медбур.

2 Фессалоникаын оліссезлӧ 1:12

Сэк тіян пыр локтас ошкӧмыс миян Дӧсвидзись Кристос Исус нимлӧ, а тіянлӧ ─ Сы пыр, миян Енлӧн да Дӧсвидзись Кристос Исуслӧн бурсетӧмсянь.

2 Тимофейлӧ 2:12

Пессям-мырсям кӧ, Сыкӧт юравны пондам. Суськисям кӧ Сійӧ тӧдӧмись, Сія суськисяс миянісь.

Еврейезлӧ 9:28

Сідз коліс керны и Кристосыслӧ: ӧтпыр сетны Асьсӧ езъялан козинӧн да уна отирлісь умӧль керӧммесӧ босьтны Ас вылас. Мӧдпырись Сія оз лок сӧстӧмтны отирсӧ умӧль керӧммезісь. Сія локтас мездыны Сійӧ видзчисиссесӧ.

Осьтӧм 3:21

Ме эд верми да пукси ордчӧн Айӧкӧт Сылӧн юралан пукӧс вылӧ. Сідз и вермалісьсӧ Ме пуксьӧта ордчӧн Аслам юралан пукӧс вылӧ.