Иоан 14:19 - Бур Юӧр 2019

¹⁹ Етша ни кольччис. Отирыс сэсся озӧ ни Менӧ адззылӧ, а тійӧ Менӧ пондат адззыны. Ме ола, и тійӧ пондат овны.

Иоан 14:19 Mawu Ofanana

Иоан 16:16

«Менӧ тійӧ чожа ӧштат син одзсиныт. Сыбӧрын чожа мыйись бӧра Менӧ казялат, Ме эд муна Айӧ дынӧ».

Еврейезлӧ 7:25

Сійӧн Сія вермӧ мездыны Еныс дынӧ Сы пыр быд локтісьсӧ. Сія эд пыр олӧ, медбы Еныс одзын кеймисьны ны понда.

Иоан 7:33

Исусыс шуис нылӧ: «Ме ог ни дыр ло тіянкӧт. Чожа муна Менӧ Ыстісь дынӧ.

Иоан 11:25

Исусыс висьталіс: «Ме Ловзьӧтісь да олан Сетісь. Меным веритісьыс и кулас кӧ, пондас овны.

1 Коринфын оліссезлӧ 15:45

Вежа Гижӧтас висьталӧм: «Медодзза мортыс ─ Адам, лоис ловья олісьӧн». А медбӧрья Адамыс ─ Ловзьӧтісь Лов.

Иоан 16:22

Сідз и тійӧ ӧні. Гажтӧмыс тыртіс тіянлісь сьӧлӧммезнытӧ. Но Ме бӧра адззисьла тіянкӧт, сэк тіян сьӧлӧмныт гажмас. Тіянлісь сійӧ гажсӧ некин оз вермы мырддьыны.

Римын оліссезлӧ 8:34

Кин вермас нійӧ судитны? Некин оз. Кристос Исусыс куліс да ловзис. Ӧні Сія Еныскӧт веськыт ладорас кеймисьӧ миян понда.

Римын оліссезлӧ 5:10

Мийӧ одзжык Еныс вылӧ лэбтісьлім. Но миян понда куліс Сылӧн Зоныс. Сы кулӧм пыр мийӧ Еныскӧт бурасим. Ӧні мийӧ, Еныскӧт бурасьӧм бӧрас, мезмам ни Кристосыс олӧм пыр.

1 Коринфын оліссезлӧ 15:20

Но Кристосыс ловзис, кулӧммес коласісь медодз Сія ловзис.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 13:33

Челядь! Ме ог ни дыр ло тіянкӧт. Менӧ пондат кошшыны. Но и тіянлӧ Ме висьтала, кыдз отирыслӧ висьталі: "Кытчӧ Ме муна, сэтчин тійӧ одӧ вермӧ локны".

Иоан 12:35

Сэк Исусыс висьталіс нылӧ: «Тіянкӧт югытыс дыр оз ло. Ветлӧтӧ югытыс кусӧмӧдз, ась пемытыс тіянӧс оз пӧдты. Пемытын ветлӧтісьыс эд оз тӧд, кытчӧ мунӧ.

Иоан 8:21

Исусыс нылӧ бӧра висьталіс: «Ме муна. Тійӧ Менӧ пондат кошшыны, но кулатӧ умӧльсӧ керӧммезныт кузя. Кытчӧ Ме муна, сэтчин тійӧ одӧ вермӧ локны».

Иоан 6:40

Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

Ап. керӧммез 10:41

Но Сія эз мыччась быдӧнныслӧ, а дзир бӧрйӧммеслӧ. Еныс тай бӧрйӧм вӧлі миянӧс. Мийӧ Сійӧ адззылім асланым синнэзӧн. Исуслӧн ловзьӧм бӧрын мийӧ Сыкӧт сёйим да юим.

Осьтӧм 20:4

Сэсся ме казялі юралан пукӧссэз. Ны вылын пукалісӧ отир, кӧдналӧ вӧлі сетӧм судитан вын. Сэтӧн вӧлісӧ отирлӧн ловвез, кӧдналісь юррезнысӧ орӧтісӧ Исусыс йылісь висьтасьӧм понда да Ен Кыв понда. Нія эзӧ копрасьӧ вӧрпаыслӧ да сы кодь керӧмыслӧ, эзӧ пуктӧ сылісь пассӧ кымӧс выланыс да ки выланыс. Нія ловзисӧ да юралісӧ ӧтлаын Кристосыскӧт сюрс во сьӧрна.